حالىقارالىق «بولاشاق» باعدارلاماسى تولىقتىرىلىپ، جاڭا ساپالى دەڭگەيگە شىعۋى كەرەك - گ. ءابدىقالىقوۆا

«بىزدە «بولاشاقتى» بىتىرگەن 7929 مامان بار، قازىرگى كەزدە 3 مىڭعا جۋىق ستۋدەنت وقىپ جاتىر. بۇگىنگى باستى ماسەلەنىڭ ءبىرى - باعدارلامانىڭ ورىندالۋ بارىسىن تالقىلاۋ. ءبىز كومپيۋتەرلىك بازانى كوردىك، جۇمىسىمەن تانىسىپ شىقتىق. بىتىرگەن تۇلەكتەردىڭ قالاي جۇمىس ىستەپ جاتقانىن مونيتورينگ جاساۋ ماڭىزدى.

ەكىنشىدەن، 2016-2020 - جىلدار ارالىعىندا ءبىز وسى باعدارلامانى تولىقتىرىپ، ونى جاڭا ساپالى دەڭگەيگە شىعارۋعا ءتيىسپىز. ويتكەنى، بۇگىنگى تاڭدا جاڭا تالاپتار تۋىنداپ جاتىر. سوسىن ەلىمىزدە «قازاقستان-2050» ستراتەگياسى قابىلداندى، «نۇرلى جول» باعدارلاماسى بەكىتىلدى. ەلباسى «نۇر وتاننىڭ» سيەزىندە بەس ينستيتۋتسيونالدىق رەفورما تۋرالى ايتتى. وسىنىڭ ءبارى باعدارلامانىڭ اياسىندا تولىعىپ، ەسكەرىلۋى ءتيىس»، - دەدى گ. ءابدىقالىقوۆا.

سونىمەن قاتار مەملەكەتتىك حاتشى كادرلار دايارلاۋ بارىسىندا دا ەرەكشە مىندەتتەر تۇرعانىن جەتكىزدى. سونىڭ ىشىندە گ. ءابدىقالىقوۆا قازاقستاننىڭ يندۋستريالاندىرۋ ساياساتىن جۇزەگە اسىرۋعا دا ماماندار ساپالى دايىندىقپەن كەلۋى تيىستىگىنە ەرەكشە نازار اۋداردى.

«وسىعان وراي، «بولاشاق» تۇلەكتەرىنىڭ الەۋەتى زور، ال بۇگىنگى كەزدەسۋدىڭ ماقساتى بازانى مۇقيات زەردەلەۋ بولىپ وتىر. سونىڭ اياسىندا «بولاشاق» باعدارلاماسىنىڭ قالاي جۇزەگە اسىپ جاتقانىنا تياناقتى مونيتورينگ جۇرگىزىلۋى كەرەك. ياعني، ءبىزدىڭ تۇلەكتەر قايدا جۇمىس ىستەپ جاتىر، ولاردىڭ ساپالىق قۇرامى قانداي، بۇل باعىتتا پروبلەمالار بار ما؟ وسىنىڭ ءبارى نازاردا بولۋى شارت»، - دەدى مەملەكەتتىك حاتشى.

كەزدەسۋ بارىسىندا «حالىقارالىق باعدارلامالار ورتالىعى» ا ق پرەزيدەنتى عاني نىعمەتوۆ 2016-2020 - جىلدارعا ارنالعان «بولاشاق» باعدارلاماسىن دامىتۋ جوسپارى تۋرالى باياندادى.

اۆتور:   قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى