وتە تىنىمسىز بالانىڭ جاقسى وقۋى ءۇشىن ونىڭ بەتىنەن قاقپاۋ كەرەك - عىلىمي دالەل
وعان قىزدارعا قاراعاندا ۇل بالالار كوپ شالدىعادى، دەپ جازادى meddaily.ru.
فلوريدا ۋنيۆەرسيتەتىنىڭ زەرتتەۋشىلەرى 8-12 جاس ارالىعىنداعى 52 ۇل بالانىڭ قاتىستىرىپ، ارنايى عىلىمي سىناق وتكىزەدى. سونىڭ ىشىندە، 29 بالا مەكتەپتە تىنىمسىزدىعىمەن اتى شىعىپ ۇلگەرگەن. عالىمدار ول بالالارعا دەنە قيمىلىنا قاتىستى كوپ تاپسىرما بەرىپ، وقۋ باعدارلاماسى بويىنشا ساباقتاردى دايىنداۋعا مىندەتتەيدى. عالىمدار بالالاردى باقىلاپ، تاجىريبەنى بەينەتاسپاعا جازىپ العان.
تاپسىرمالاردى ورىنداۋ كەزىندە كوپ قيمىلداعان تىنىمسىز بالالار تىنىش وتىرعان بالالاردان گورى ساباقتى جاقسى ورىنداعان. عالىمدار ونداي بالالاردىڭ ءبىلىم الۋى ءۇشىن قوزعالىس قاجەت، تىمسىزدىعى ءۇشىن بەتىنەن قاقپاۋ قاجەت، دەگەن قورىتىندى شىعاردى. دەنە قوزعالىسى وسىنداي بالالارعا اقپاراتتى قابىلداپ، ءبىلىم الۋىنا ىقپال ەتەدى ەكەن.
