تالدىقورعانداعى ساۋدا ۇيىندە ەر ادام قوزعالماي ءبىر ورىندا قاتىپ قالدى - كەسكىن
ۆيدەو ينتەرنەتكە 20- ساۋىردە شىقتى. بەينە روليكتە ەر ادامنىڭ ءبىر ورىندا قاتىپ قالىپ، جان-جاعىنداعىلارعا ەشقانداي رەاكسيا بىلدىرمەگەنىن كورۋگە بولادى. ايتا كەتەيىك، ول ءدال وسىلاي بىرنەشە ساعات بويى تۇرعان. كەيىن ونى زەمبىلگە جاتقىزىپ، الماتىداعى اۋرۋحانالاردىڭ بىرىنە «جەدەل جاردەم» كولىگىمەن الىپ كەتەدى.
الماتى وبلىسى دەنساۋلىق ساقتاۋ باسقارماسى وقيعانىڭ 19- ساۋىردە تالدىقورعاندا بولعانىن راستادى. ەر ادامنىڭ الكوگول ىشىمدىگىن ىشكەننەن كەيىن ينتوكسيكاتسيادان قوزعالماي قاتىپ قالعانى بەلگىلى بولدى. وعان قاجەتتى مەديتسينالىق كومەك كورسەتىلىپ، سول كۇنى ۇيىنە قايتارىلعان.
