فۋتبول: قازاقستان افريكا ايماعىنىڭ قۇراماسىمەن كەزدەسەدى

قازاقستان افريكا ايماعىنىڭ قۇراماسىمەن بۇعان دەيىن ءبىر رەت كەزدەسكەن. ءبىراق ول كەزدە ەلىمىز ف ي ف ا- عا مۇشە ەمەس بولاتىن. سوندىقتان ول جەڭىس رەسمي تۇردە سانالمايدى.

 ايتا كەتەتىن بولساق، 1992 - جىلى ليۆيامەن جولىققان ەدى. سول ماتچتا باس باپكەر باقتيار بايسەيىتوۆ ءوزى دە الاڭعا شىعىپ، 78- مينۋتتا جەڭىس گولىن سوقتى.

سودان كەيىن قازاقستان بۇل قۇرلىقتىڭ كوماندالارىمەن جولى ءتۇيىسىپ كورگەن ەمەس. وسى ۋاقىتقا دەيىن ازيا جانە ەۋروپا ەلدەرىمەن عانا كەزدەسىپ كەلدىك. باس باپكەر يۋريي كراسنوجان بۇل ويىن وتە قىزىقتى ماتچ بولادى دەپ ۇمىتتەنىپ وتىرعانىن ايتتى.

- بۋركينو- فاسو قۇراماسى افريكا فۋتبولىنداعى ورتاڭقول قۇرامالاردىڭ ءبىرى. 2013 - جىلعى افريكا كۋبوگىنىڭ فيناليسى. باكاري كونە («ليون» ، فرانسيا)، شارل كابورە («كۋبان»، رەسەي)، الان تراورە («موناكو»، فرانسيا)، ستيۆ ياگو («تۋلۋزا»، فرانسيا)، دجونوتان زونگو («المەريا»، يسپانيا)، پرەدجۋس نۋكۋلما («مەلسين»، تۇركيا) سەكىلدى ويىنشىلارى ەۋروپادا دوپ تەۋىپ ءجۇر. بۇل ءبىز ءۇشىن قىزىق ويىن بولعالى تۇر. قانشا دەگەنمەن افريكا فۋتبولى ەۋروپادان ايىرماشىلىعى بار. بۇل ويىندى 12 - ماۋسىم كۇنى الماتىدا ىرىكتەۋ تۋرنيرى اياسىندا تۇركيامەن وتكىزەتىن ماتچقا دايىندىق دەپ باعالاۋعا بولادى، - يۋ. كراسنوجان.

 ايتا كەتەيىك، قازاقستان ف ي ف ا- عا مۇشە بولعان 1994 - جىلدان بەرى 173 جولداستىق كەزدەسۋ وتكىزگەن. كراسنوجان شاكىرتتەرى الەمدىك رەيتينگتە 133- ساتىدا تۇر. ال بۋركينو- فاسو 66- ورىندا.  

Baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى