قازاقستاندىق اسكەريلەر ش ى ۇ ەلدەرى ارنايى ماقساتتاعى بولىمشەلەرىنىڭ وقۋ- جاتتىعۋىنا قاتىسۋدا

 وقۋ- جاتتىعۋ ءتورت كۇنگە جالعاسىپ، وسى ۋاقىت ىشىندە اسكەري قىزمەتشىلەر شامسي شاتقالىنداعى تاۋلى جەرلەردە باندالىق قۇرالىمدى قورشاۋعا الۋ جانە جويۋ بويىنشا بىرلەسكەن ءىس- قيمىلدى جانە بيىك تاۋ قۇرالدارىن پايدالانۋ ادىستەرىن پىسىقتايدى.

قازاقستان، قىرعىزستان، رەسەي جانە قىتاي ارنايى ماقساتتاعى بولىمشەلەرىنىڭ جاۋىنگەرلەرى شتاتتىق جانە ارنايى قارۋدان بىرلەسىپ وقۋ- جاتتىعۋ اتىستارىن وتكىزەتىن بولادى. سونىمەن بىرگە تاكتيكالىق ەپيزود بارىسىندا كەپىلگە الىنعان ادامداردى بوساتۋ بويىنشا وپەراتسيا وتكىزىلەدى» ، دەلىنگەن ق ر قورعانىس مينيسترلىگىنىڭ سايتىندا.

«قازاقستان قارۋلى كۇشتەرىنىڭ اتىنان اتالعان وقۋ- جاتتىعۋعا «وڭتۇستىك» وڭىرلىك قولباسشىلىعىنىڭ ارنايى ماقساتتاعى بولىمشەسى قاتىسۋدا. ورتالىق ازيا ايماعىندا قالىپتاسىپ وتىرعان اسكەري- ساياسي جانە جالپى احۋال وسىنداي جاتتىعۋلاردى وتكىزۋدىڭ وزەكتىلىگىن راستايدى. بۇل جاتتىعۋلار بارلىق ەلدىڭ قاتىسۋشىلارىنا ءتيىمدى بولادى دەپ ويلايمىن»، - دەيدى 36814 اسكەري ءبولىمىنىڭ كومانديرى، پولكوۆنيك بولات جورابايەۆ.

سالتاناتتى اشىلۋ راسىمىنە قىرعىز رەسپۋبليكاسى قارۋلى كۇشتەرى باس شتابى باستىعىنىڭ ورىنباسارى پولكوۆنيك جانىبەك قاپاروۆ قاتىسىپ، ارنايى ماقساتتاعى بولىمشەلەر جاۋىنگەرلەرىن بىرلەسكەن جاتتىعۋدىڭ باستالۋىمەن قۇتتىقتادى.

ەستەرىڭىزگە سالا كەتسەك، ق ر قارۋلى كۇشتەرىنىڭ اسكەري قىزمەتشىلەرى وسى جاتتىعۋعا جىلدا قاتىسىپ كەلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى