الەم چەمپيونى نازىم قىزايباي قازاقستاندا قالاي ۇتىلدى؟

 دەپ جازادى «الاش ايناسى».

نازىم قىزايباي! قازاق قىزدارى اراسىنان شىققان تۇڭعىش الەم چەمپيونى. بوكستان قازاقستاننان شىققان ايەلدەر اراسىنداعى تۇڭعىش الەم چەمپيونى. تالدىرماش، كورىكتى قىز. ادەمى، سۇيكىمدى ارۋ. كوزدەرى مولدىرەگەن، ءجۇزى جىلى، جايدارى جان. ريو وليمپياداسىنا ۇكىلەپ قوسقالى وتىرعان نازىك ءۇمىتىمىز.. .

قازاق سپورتى تاريحىنا ەسىمى الدەن- اق التىن ارىپتەرمەن جازىلعان وسى ارۋىمىز ءھام ماقتانىشىمىز ەل چەمپيوناتىندا توپ جارا المادى. ءيا، تورتكۇل دۇنيەنى باعىندىرعان الەم چەمپيونى قازاقستان چەمپيونى بولا المادى.. .

نەگە؟ بۇل قالاي؟ وسى سۇراق قازاقستاندىق سپورت جانكۇيەرلەرىنىڭ كوبىسىن مازالاعانداي. ءتىپتى بىزگە الەۋمەتتىك جەلىلەر ارقىلى «نازىم ۇتىلىپ قالعان با، نە» دەپ سۇراق جولداۋشىلار از بولعان جوق.. .

قازاقستان بوكس فەدەراتسياسى دا نازىمنىڭ بۇل جەڭىلىسىن ەسكەرۋسىز قالدىرعىسى كەلمەگەندەي. ەل چەمپيوناتى اياقتالىسىمەن، وتاندىق بوكس فەدەراتسياسىنىڭ رەسمي سايتىندا ايەلدەر اراسىنداعى قازاقستان ۇلتتىق قۇراماسىنىڭ اعا جاتتىقتىرۋشىسى (باس باپكەرى) ۆاديم پريسياجنيۋكتىڭ شاعىن سۇحباتى جارىق كوردى. وندا، ارينە، العاشقى سۇراق «نازىم قالاي ەكىنشى ورىن الىپ قالدى» بولدى.

- مەن نازىممەن سويلەستىم. نەگە وسىلاي بولدى دەپ سۇرادىم. ول لايىقتى دەڭگەيدە دايىندالىپ كەلە الماعانىن ايتتى. ءارى جاقىندا اۋىرىپ قالعان. بىزبەن بىرگە قىتايداعى ءتورت ەلدىڭ بىرلەسكەن جاتتىعۋ جيىنىنا بارعان جوق.

قوسارىم، نازىم جاقىندا سالماق اۋىستىردى (نازىم 48 كەلىدە الەم چەمپيونى بولعان، ال قازاقستان چەمپيوناتىندا 51 كەلى سالماق دارەجەسىندە باق سىنادى). قازىر - جاڭا سالماقتا. بۇل سالماقتاعى ونىڭ بارلىق جەتىستىكتەرى ءالى الدا دەپ ويلايمىن.

جالپى، قازاقستان چەمپيوناتىنىڭ فينالىنداعى جاينا شەكەربەكوۆامەن وتكەن جەكپە- جەك تەڭ دارەجەدە ءوتتى. ءبىراق جاينا ءسال- ءپال باسىمىراق ءتۇسىپ، 2:1 ەسەبىمەن جەڭدى، - دەپتى ۆاديم ەدۋاردوۆيچ.

اۆتور: نۇرعازى ساسايەۆ

Alashainasy.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى