قازاقستاننىڭ اسكەري جاساقتارى يوردانيادا وتەتىن ارنايى ماقساتتاعى توپتار اراسىنداعى جارىسقا قاتىسادى - فوتو
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى.
جارىسقا قازاقستاندىق اسكەري قىزمەتشىلەر دە قاتىسادى.
بۇدان وزگە ول جەرگە قىتايدان «شابۋلداۋشى اق تۇيعىن»، كولۋمبيالىق «كومماندوس»، يوردانيالىق پوليتسيانىڭ ارنايى وپەراتسيالار ايەلدەر باتالونى، ليۆاندىق «قارا پانتەرا»، ا ق ش «تەڭىز مىسىقتارى» جانە باسقا دا ارنايى بولىمشەلەر كەلدى.
اۆياتسيامەن بىرگە تۇتقىنداردى بوساتۋ بويىنشا جاسالعان شابۋىل ەلەمەنتتەرى، اسەرلى پاراد - اتالعان ءىس- قيمىل قاتىسۋشىلاردىڭ بارلىعىنا تانىس، ۇيرەنشىكتى جايت. ءتورت كۇن بويى بارلىعى 19 ەل مەن 43 كوماندا جاۋىنگەرلەرىنەن ارنايى ماقساتتاعى توپتارى اراسىنداعى بارلىق ءىس- قيمىل بويىنشا ەڭ مىقتىسى انىقتالاتىن بولادى.
وتكىزىلەتىن جارىستىڭ 10 كەزەڭىنىڭ 9 ى كوماندالىق قۇرامدا باعالانادى. سالتاناتتى اشىلۋ راسىمىنەن كەيىنگى ءبىرىنشى كەزەڭ عانا جەكە بىرىنشىلىك بولىپ سانالادى. بۇل جەردە ءار توپتان ءبىر ارنايى ماقساتتاعى بولىمشە جاۋىنگەرى تاپانشادان، اۆتوماتتى ۆينتوۆكادان جانە پومپالىق قارۋدان جىلدام اتۋدان كۇش سىناسادى. جەڭىمپاز KASOTC نۇسقاسى بويىنشا «جىل مەرگەنى» اتاعىنا لايىق دەپ تانىلاتىن بولادى. قازاقستاندىق جاۋىنگەرلەرگە سايىس كەزەڭدەرى ولارعا وتكەن جىلعى جارىستان بەرى بەلگىلى.
«ءبىز بارلىق كەزەڭگە جەتە دايىندالدىق. بيىل ءبىرقاتار جاڭا جاتتىعۋلار قوسىلدى. ءبىز جىگىتتەرمەن بىرلەسىپ «ۇزدىك» سايىسۋعا بار كۇشىمىزدى سالامىز. جەڭىس كۇنىنە بارشا قازاقستاندىقتارعا تاماشا سىي جاساعىمىز كەلەدى»، - دەدى ءبىزدىڭ كوماندا.
ەستەرىڭىزگە سالا كەتسەك، وسىنداي جارىستارعا قازاقستاندىق اسكەري قىزمەتشىلەر ءتورتىنشى رەت قاتىسۋدا. سونىمەن قاتار يوردانيالىق پوليتسيانىڭ ارنايى وپەراتسيالار ايەلدەر باتالونى توبىنىڭ قاتىسۋى بيىلعى جارىستى وتكەن جارىستان ەرەكشەلەندىرىپ وتىرعانىن ايتا كەتكەن ءجون. تورەشىلەردىڭ ايتۋىنشا ايەلدەر باتالونى باسقا توپتارمەن تەڭ دارەجەدە سايىساتىن بولادى.
«بۇل - ارنايى ماقساتتاعى توپتاردىڭ جارىسى. مۇندا ەشقانداي جەڭىلدىكتەردىڭ بولۋى مۇمكىن ەمەس»، - دەپ اتاپ ءوتتى تورەشىلەردىڭ ءبىرى.
ەستەرىڭىزگە سالا كەتەيىك، جارىستىڭ اقتىق سىنى 23 - ساۋىردە وتەدى.
