ءبىز ءوز يدەولوگيامىزدى باتىل ءارى اشىق قورعاۋعا ءتيىسپىز - ءماجىلىس دەپۋتاتى ك. بۇرقانوۆ

بۇل تۋرالى بۇگىن ەلوردادا وتكەن «ماڭگىلىك ەل - قازاقستاندىق قۇندىلىقتار جۇيەسى» تاقىرىبىنداعى الەۋمەتتانۋشىلار مەن ساياساتتانۋشىلاردىڭ استانا ساراپشىلىق فورۋمىندا ق ر پارلامەنتى ءماجىلىسىنىڭ دەپۋتاتى كامال بۇرقانوۆ ايتتى.

«ءبىز ءوزىمىزدىڭ يدەولوگيامىزدى، ءوزىمىزدىڭ ىشكى ءارى سىرتقى ساياساتىمىزدى، ەڭ باستىسى ءوز ءداستۇرىمىز بەن ءدىنىمىزدى، ءتىلىمىزدى، ادەبيەتىمىز بەن مادەنيەتىمىزدى، فيلوسوفيامىزدى قورعاۋعا ءتيىسپىز. ءبىز ولاردى باتىل، اشىق ءارى مىعىم قورعاۋىمىز قاجەت»، - دەدى ول.

دەپۋتاتتىڭ پايىمىنشا، باتىستىق ساراپشىلاردىڭ قوعامدى دامىتۋدىڭ امبەباپ مودەلىن، سوعان ساي بارلىق حالىقتار مەن ەلدەر ءۇشىن قۇندىلىقتار جۇيەسىن ازىرلەدىك دەپ وزەۋرەۋى اڭىزعا تەڭ دەسەك تە بولادى.

ايتا كەتەيىك، فورۋم جۇمىسىنا 110 نان استام دەلەگات قاتىستى. ولار «ماڭگىلىك ەل» جالپى ۇلتتىق جوباسىنىڭ نەگىزگى قۇندىلىقتارىن، ەتنوسارالىق كەلىسىمنىڭ قازاقستاندىق مودەلىن، سونىمەن قاتار جاڭا قازاقستاندىق پاتريوتيزم تۇرعىسىندا حالىقتى توپتاستىراتىن يدەيانىڭ ءمانىن جاق-جاقتى تالقىعا سالدى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى