بەس مينۋت ىشىندە دەمالىپ ۇلگەرۋدىڭ تاسىلدەرى
ناتيجەسىندە بار ەنەرگياسىن سارقىلتقان ادامداي توسەگىمىزگە قۇلاي كەتەمىز. مۇنىمەن قاتار، ءبىزدىڭ بەلسەندىلىگىمىزدى ارتتىرۋعا زاماناۋي دەمالىستىڭ پايداسى بار ەكەنىن عىلىم دالەلدەگەن. بۇل ءۇشىن كوپ ۋاقىتتىڭ نەمەسە قىمبات قۇرىلعىنىڭ قاجەتى جوق. ءبىز سىزگە قايدا جۇرسەڭىز دە، 5 مينۋت ىشىندە جاقسىلاپ تىنىعىپ الۋدىڭ بىرنەشە ءادىسىن ۇسىنامىز.
تاماق تانۋ
1. كوك شاي ءىشىڭىز. شوپتەن جاسالعان شاي ادامعا جايلىلىق سىيلاپ، جۇيكەسىن تىنىشتاندىرادى. كوك شايدىڭ قۇرامىندا اشۋشاڭدىقتان ارىلۋعا كومەكتەسەتىن L- تەانين بار. بىرنەشە مينۋتىڭىزدى جۇمساپ، كوك شاي قايناتىپ ءىشۋدى ۇمىتپاڭىز.
2. تاقتا شوكولاد. كوڭىل- كۇيدى كوتەرىپ، كۇيزەلىستەن ارىلۋعا تاقتا شوكولاد كومەكتەسەدى. قارا شوكولاد قان قۇرامىنداعى كورتيزول مولشەرىن تومەندەتەدى. ال كورتيزول دەگەنىمىز - كۇيزەلىس گورمونى. الايدا شوكولادتى مولشەردەن ارتىق جەۋگە بولمايتىنان ەسكەرىڭىز.
3. بىرنەشە قاسىق بال. اتالعان ءونىمنىڭ تەرىنى جايلاندىراتىن اسەرى بار. ونى كەيدە انتيبيوتيك رەتىندە پايدالانادى. ول الاڭداۋشىلىق پەن كۇيزەلىس اسەرىن تومەندەتەدى.
4. مانگو جەڭىز. جۇمىستا وتىرساڭىز دا، تروپيكالىق ايماققا بارىپ كەلگەندەي اسەرگە بولەنەسىز. حوش ءيىستى مانگو جەمىسىنىڭ قۇرامىندا لينالوول بار. ول كۇيزەلىس دەڭگەيىن تومەندەتۋگە كومەكتەسەدى. قولىڭىزدى لاستايتىن ليمون شىرىنىنا بولا الاڭداماڭىز.
5. ساعىز شايناڭىز. ونىڭ وزىڭىزگە ۇنايتىن كەز كەلگەن ءتۇرىن تاڭداۋىڭىزعا بولادى. بۇل - كۇيزەلىستى جەڭۋدىڭ وڭتايلى تاسىلدەرىنىڭ ءبىرى. ونى بىرنەشە مينۋت شايناۋ ارقىلى كورتيزول دەڭگەيىن تومەندەتەسىز.
جان- دۇنيە
6. جاستىق جاستانىڭىز. كەيدە ۇزاق ۇيقىدان وزگەسى كومەكتەسپەيتىن كۇندەر بولادى. ەگەر جۇمىستا بولساڭىز، مۇنى جۇزەگە اسىرۋ قيىن. باسىڭىزعا قويىلعان جاستىق بار قيىندىعىڭىزدى وزىنە ءسىڭىرىپ جاتقانداي اسەردە بولىڭىز.
7. مەديتاتسيا. ارينە بۇل ءراسىمدى تاۋلى ايماقتا وتىرىپ جاساعان جاقسى. ەگەر مۇمكىندىگىڭىز بولماسا، تىنىش بولمەنىڭ ءوزى جەتكىلىكتى بولادى. بار نازارىڭىزدى تىنىسىڭىزعا اۋدارىپ، قايعى- مۇڭىڭىز سەيىلىپ بارا جاتقانداي اسەرگە بولەنىڭىز.
8. تەرەڭ تىنىس الۋ. جاندى جايلاندىرۋدىڭ بۇدان وڭتايلى ءتاسىلى بار ما؟ ارتەريالىق قىسىمدى تومەندەتۋگە تەرەڭ تىنىس الۋدىڭ پايداسى زور. اراسىندا پراناياما تىنىس الۋ ءتۇرىن دە پايدالانىپ كورىڭىز. ول مۇرىن جەلبەزەگىن كەزەكتەستىرە وتىرىپ تىنىس الۋدى قامتيدى. ياعني ءبىرىنشى ءبىر جەلبەزەگىمەن، كەلەسىدە ەكىنشى جەلبەزەگىمەن تىنىس الۋ.
9. كەرى ساناۋ. بۇل ءتاسىلدى بارلىعى بىلەدى، الايدا ونىڭ پايداسى زور. وسىلايشا بىرنەشە رەت ساناپ كورىڭىز. اتالعان ءادىستىڭ ارقاسىندا ميىڭىز قايعى- مۇڭ تۋرالى ويلامايتىن بولادى.
10. كوزىڭىزدى جۇمىڭىز. ءبارى دۇرىس بولسا، كوزىڭىزدى جۇما الاسىز. كوشەنىڭ شۋىلىنان كوزىڭىزدى قاتتى جۇمىپ تۇرۋ ارقىلى ارىلۋعا تىرىسىپ كورىڭىز.
ءتاندى دەمالدىرۋ
11. قولىڭىزدى ۋقالاڭىز. جۇمىس ۋاقىتىندا ۋقالاۋدى ناعىز مامانعا بارىپ جاساتا المايسىز. الايدا ونى ءوزىڭىز دە جاساۋىڭىزعا بولادى. بۇل پەرنەتاقتانىڭ الدىندا كوپ وتىراتىن ادامدار ءۇشىن وتە پايدالى. ەگەر 5 مينۋتتان ارتىق ۋاقىتىڭىزدى قۇربان ەتۋگە دايىن بولساڭىز، موينىڭىزدى دا ۋقالاڭىز.
12. اكۋپرەسسۋرانى كورىڭىز. اكۋپرەسسۋرا دەگەنىمىز - قىتاي مەديتسيناسىنىڭ ارقاسىندا پايدا بولعان، نۇكتەلەپ ۋقالاۋ ءتۇرى. ول قاۋىپسىز بولعاندىقتان، قورىقپاي جاساي بەرۋگە بولادى.
13. تەننيس دوبىمەن سىرعاناڭىز. اياق كيىمىڭىزدى شەشىپ، ادەتتەگى تەننيس دوبىن وكشەڭىزبەن اينالدىرىڭىز. بيىك وكشەلى اياق كيىم كيەتىن حانشايىمدار ءۇشىن وتە پايدالى.
14. بىلەگىڭىزدى سۋىق سۋعا سالىڭىز. ەگەر ءوزىڭىزدى ءدال ءقازىر جارىلىپ كەتەردەي سەزىنسەڭىز، بىلەگىڭىز بەن قۇلاعىڭىزدىڭ سىرعالىعىن تاستاي سۋمەن جۋىڭىز. بۇل جىلدام تىنىشتالىپ، اۋىرسىنۋدى باسۋعا كومەكتەسەدى.
جاڭا ورتا
15. جالعىز قالىڭىز. ارينە ادام اياعى باسپايتىن ورمانعا بارىپ تۇنەڭىز دەمەيمىز. بار بولعانى جالعىز قالۋ ارقىلى ويىڭىزدى جيناقتاي الاسىز.
16. وزىڭىزگە Zen ايماعىن ويلاپ تابىڭىز. جاقىن ادامدارىڭىز بىلمەيتىن ءبىر جەردى تىنىشتالۋ ايماعىنا اينالدىرىڭىز. بۇل باقتاعى ورىندىق بولۋى دا مۇمكىن.
17. تەرەزەگە قاراڭىز. 5 مينۋت بويى تەرەزەدەن اينالانى باقىلاۋ ارقىلى ءوز ويىڭىزدى رەتكە كەلتىرە الاسىز.
18. تازالىق جۇرگىزىڭىز. كەيدە ادامنىڭ باسى بولمەنىڭ شاشىلىپ جاتۋىنان دا اۋىرۋى مۇمكىن. ۇستەلدىڭ ۇستىندەگى زاتتاردىڭ رەتسىزدىگى ءسىزدىڭ جان- دۇنيەڭىزدەگى رەتسىزدىكتى كورسەتەدى. ارتىق زاتتىڭ بارلىعىن الىپ تاستاڭىز. سول كەزدە بارلىعى دا قالپىنا كەلەدى.
massaget.kz
