استانادا «جەكپە-جەك» تانىمال قويىلىمىنىڭ تۇساۋكەسەرى وتەدى
اتالعان تۋىندى قىرعىز دراماتۋرگى مار بايجيەۆتىڭ «دۋەل» شىعارماسى جەلىسى بويىنشا ساحنالانباق. قازاق تىلىنە اۋدارعان قويىلىم رەجيسسەرى، قازاقستاننىڭ ەڭبەك سىڭىرگەن قايراتكەرى - سايلاۋ كاميەۆ.
«جەكپە-جەك» مەلودراماسى ەكى ادامنىڭ ماحاببات جولىنداعى قاقتىعىسىن سۋرەتتەيدى.
باس كەيىپكەر نازي كوڭىلدەسى ەسكەندىرمەن تەڭىز جاعاسىنا دەمالىسقا بارعانىن دا، ءومىرىنىڭ كۇرت وزگەرىسكە ۇشىرايتىنىن ءۇش ۇيىقتاسا دا تۇسىندە دە كورمەيدى.
ەسكەندىر- ءنازي-ءازيز اراسىندا ورىن العان ماحاببات حيكاياسى سپەكتاكلدىڭ باستى وقيعا جەلىسى بولىپ تابىلادى. م. بايجيەۆتىڭ «جەكپە-جەك» تۋىندىسى - بىرنەشە تىلگە اۋدارىلىپ، قازاقستان، بولگاريا، ۆەنگريا، گەرمانيا، پولشا، شۆەتسيا، اۆستريا، رۋمىنيا سىندى بىرنەشە ەلدەردە ساحنالانعان تانىمال تۋىندىنىڭ ءبىرى.
شىعارما دا ءار زامان وكىلدەرىنىڭ شىنايى بەينەسى سۋرەتتەلگەن. م. بايجيەۆتىڭ «جەكپە-جەك» پەساسى ءار زامان ۇرپاعىنىڭ، ىشكى كوزقاراس تارتىسى ارقىلى ادامي قۇندىلىقتى ىزدەۋگە شاقىرادى.
