باستىق ءوز جالاقىسىن قىزمەتكەرلەردىڭ ەڭبەك اقىسىن كوتەرۋ ءۇشىن ءبولىپ بەردى
امەريكالىق Gravity Payments كومپانياسىنىڭ باسشىسى ءارى نەگىزىن قالاۋشى دەن پرايس ءدال وسىلاي ىستەدى. بۇل ءۇشىن باستىق ءوزىنىڭ جىلدىق جالاقىسىن 93 پايىزعا دەيىن قىسقارتقان. بۇل تۋرالى epochtimes.ru حابارلايدى.
30 جاستاعى توپ- مەنەدجەر $1 ميلليون دوللار بولاتىن جىلدىق جالاقىسىن بارىنشا ازايتىپ، ەندى تەك 70 مىڭ دوللارعا كۇن كورمەك. ول مۇنىڭ بارلىعىن قاراماعىنداعىلاردىڭ جالاقىسىن كوتەرۋ ءۇشىن جاساپتى. وسىعان دەيىن Gravity Payments قىزمەتكەرلەرى 48 مىڭ دوللار السا، ەندى 70 مىڭ دوللار الاتىن بولادى.
بيزنەسمەن بۇل قادامعا ءوز قاراماعىنداعىلاردىڭ ۇنەمى اقشا جەتىسپەيتىندىگى تۋرالى شاعىمدارىن ەستۋدەن ابدەن جالىققاسىن بارعاندىعىن ايتىپتى. سونداي- اق ول اقشانىڭ تىم كوپ بولعاندىعى باقىت اكەلمەيتىندىگىن، ال قاراجات تاپشىلىعى ادامدى باقىتسىز قىلاتىندىعى تۋرالى ماقالانى وقىپ شىققان. Gravity Payments بانك تولەمدەرىن جاساۋمەن اينالىساتىن كومپانيا. دەن پرايس ونى نەبارى 19 جاسىندا ءوزى اشقان.
