ق ر مەملەكەتتىك حاتشىسى فرانسۋزدىق «كامپۋس فرانس» ءبىلىم اگەنتتىگىنىڭ باسشىسىمەن كەزدەستى
كەزدەسۋ بارىسىندا تاراپتار ۋنيۆەرسيتەت ارالىق ىنتىماقتاستىقتىڭ قازىرگى جاي-كۇيى مەن بولاشاعى تۋرالى پىكىر الماسىپ، فرانسۋزدىق ج و و- دا ءبىلىم الىپ جۇرگەن قازاقستاندىق ستۋدەنتتەردىڭ سانىن ارتتىرۋ ماسەلەسىن دە قوزعادى.
ق ر مەملەكەتتىك حاتشىسى قازاقستاننىڭ جوعارى وقۋ ورىندارىندا ەۋروپالىق مەنەدجمەنت ستاندارتتارىن ەنگىزۋ بويىنشا فرناتسۋزدىق ارىپتەستەرىمەن ءوزارا تاجىريبە الماسۋدىڭ ماڭىزدىلىعىن اتاپ ءوتتى.
«بۇل كەزدەسۋ پرەزيدەنت فرانسۋا وللاندتىڭ 2014-جىلعى قازاقستانعا ساپارىنىڭ زاڭدى جالعاسى ىسپەتتى. سول كەزدە ءبىز فرانسيادا وقيتىن ستۋدەنتتەر سانىن ارتتىرۋ مىندەتىن قويعان ەدىك. بۇگىن ءبىز ۋنيۆەرسيتەتتىك ىقپالداستىققا قاتىستى كوپتەگەن ماسەلەلەردى قاراستىرىپ، بۇل جۇمىستاردىڭ جالعاساتىنىنا ءۇمىت ارتامىز»، - دەدى كەلىسسوز قورىتىندىلارى تۋرالى انتۋان گراسسەن.
سونداي-اق بۇل جۇزدەسۋدە ورتالىق ازياداعى العاشقى فرانسۋزدىق ج و و - «سوربوننا-قازاقستان» ۋنيۆەرسيتەتىنىڭ قىزمەتى تۋرالى ايتىلىپ، بيىل پاريجدە ەكى ەلدىڭ جەتەكشى جوعارى وقۋ ورىندارىنىڭ باسشىلارىنىڭ قاتىسۋىمەن كەزەكتى ۋنيۆەرسيتەت ارالىق فورۋم وتكىزۋ تۋرالى كەلىسىمگە قول جەتكىزىلدى.
