قازاقستاندا موتوكولىك جۇرگىزەتىندەرگە جۇرگىزۋشى كۋالىگى مىندەتتەلدى

«بۇرىندارى موتوكولىك قوزعالتقىشىنىڭ كولەمى 50 تەكشە سانتيمەتردەن اسپاسا، جۇرگىزۋشى كۋالىگى قاجەت بولمايتىن. ەندى موتوتسيكل قوزعالتقىشىنىڭ كولەمىنە قاراماستان، كۋالكىتىڭ بولۋى مىندەتتەلىنەدى»، - دەلىنگەن حابارلامادا.

 مەكەمە ساعاتىنا 50  ك م جىلدامدىقتا جۇرەتىن موتوكولىك قوجايىنىنىڭ جۇرگىزۋشى كۋالىگى بولۋى ءتيىس دەپ ەسەپتەيدى. زاڭناما بويىنشا «А1» ساناتى بويىنشا جۇرگىزۋشى قۇقىعىن 16 جاسقا جەتكەن ازاماتتار، ال « А » ساناتى بويىنشا 18 گە جەتكەن ازاماتتار الۋىنا بولادى.

جۇرگىزۋشى قۇقىعى بار تۇرعىندار «А»  ،«А1» ساناتتارىنداعى جۇرگىزۋشى كۋالىگىن العىسى كەلسە، ارنايى دايىندىقتان ءوتىپ، تەوريالىق جانە تاجىريبەلىك ەمتيحاندار تاپسىرۋى كەرەك.

«مۇنىمەن قوسا، موتوكولىك يەسى كولىگىن مەملەكەتتىك تىركەۋدەن وتكىزىپ (اكىمشىلىك پوليتسيادا ەسەپكە الدىرتىپ) ، مەملەكەتتىك ءنومىر بەلگىلەرىن الۋى ءتيىس» - دەپ جازىلعان حابارلامادا.

مەملەكەتتىك تىركەۋگە ساعاتىنا 50 ك م- دەن استام جىلدامدىقتا جۇرە الاتىن موتوتسيكلدەر، سكۋتەرلەر، تريتسيكلدەر، كۆادروتسيكلدەر مەن موپەدتەر الىنۋى كەرەك.

«قازاقستان»

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى