ۇيالى تەلەفونعا ارنالعان قازاقستاندىق ويىندار قىتايدا بەلسەندى تۇردە جۇكتەلىپ جاتىر

يۆانچەنكو كومانداسىمەن بىرگە ۇيالى تەلەفوندارعا ارنالعان بىرنەشە ويىن جاساعان. ولاردىڭ ىشىندەگى ەڭ تانىمالى - قارۋ ارقىلى مۇناراعا جاسالعان شابۋىلدى قايتارا الاتىن Tower Defence ويىنى. Steampunk Tower قوسىمشاسى ІOS جانە Android پلاتفورمالارىندا شىقتى، بولاشاقتا PC نۇسقاسى پايدا بولادى.

«Steampunk Tower قوسىمشاسىن ميلليوننان استام ادام جۇكتەپ ۇلگەردى. ءبىزدىڭ تەگىن flash-ويىنىمىزدى دا ميلليونعا جۋىق ادام پايدالانادى. ولاردىڭ جارتىسىنا جۋىعى ويىندى تەگىن جۇكتەي الاتىن - قىتاي تۇرعىندارى. ال ەڭ جومارت قولدانۋشىلار - ەۋروپالىقتار مەن امەريكالىقتار. ويىن شىعىستا، جاپونيا مەن كورەيادا جاقسى وتە قويعان جوق»، - دەدى يۆانچەنكو.

ۇيالى تەلەفونعا ارنالعان ويىندى جاساۋ ءۇشىن كوماندا جارتى جىلداي جۇمىس ىستەيدى. كوپ ۋاقىت جاقسارتۋ مەن اپدەيتكە كەتەدى. قوسىمشانى ءارتۇرلى تەلەفوندار مەن ەكرانعا ىقشامداۋعا دا كوپ ۋاقىت جۇمسالادى. قازاقستاندىق كومپانيا ويىندى نارىقتا جارنامالاۋ ءۇشىن شەتەلدىك باسپاشىلارمەن جۇمىس ىستەپ ءجۇر. بولاشاقتا كوماندا قوسىمشالاردى وزدەرى شىعارۋدى جوسپارلاپ وتىر.

يۆانچەنكونىڭ ايتۋىنشا، تەلەفونعا ارنالعان ويىندى جاساپ شىعارۋشىلاردا كادرلىق قيىندىقتار بار. ولارعا باعدارلاماشىلار مەن سۋرەتشىلەر كەرەك. «فريلانسقا كوپ ۋاقىت جىبەرۋگە تۋرا كەلەدى. سەبەبى، باعدارلاماشى دۆيجوك پەن تەحنولوگيانى باسىنان باستاپ زەرتتەيدى. بۇل سفەراعا وزدەرىنىڭ ىسىنە قىزىعۋشىلىقپەن قارايتىن ادامدار كەرەك. ولاردىڭ ءبىلىمى از بولسا دا، ۇيرەنىپ كەتەدى. بىزگە كوپ جالاقى الىپ، از جۇمىس ىستەيتىن ادامدار كەرەك ەمەس»، - دەدى باعدارلاماشى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى