قازاقستاندا بيىلعى العاشقى توقساندا ءولىم- ءجىتىم كورسەتكىشى ازايدى
دەپ حابارلادى mzsr.gov.kz.
2014 - جىلى وسى دەرتپەن سىرقاتتانۋشىلىق 2013 - جىلمەن سالىستىرعاندا 9,5%، ءولىم- ءجىتىم كورسەتكىشى 16% تومەندەدى. جالپى سوڭعى 10 جىلدا ەلىمىزدە تۋبەركۋلەزبەن اۋىراتىندار 55%، ءولىم- ءجىتىم 77% ازايدى.
ايتا كەتەتىن جايت، دەنساۋلىق ساقتاۋدىڭ پەنيتەنتسيارلىق سەكتورىندا دا اۋرۋ كورسەتكىشى 17,3% تومەندەپ، 2013 - جىلى 100 مىڭ تۇرعىنعا شاققاندا 965,8 بولسا، 2014 - جىلى تيىسىنشە 799 دى قۇرادى.
تۋبەركۋلەزدىڭ دارىگە ءتوزىمدى تۇرلەرىن ۋاقىتىندا انىقتاۋ ماقساتىندا رەسپۋبليكانىڭ بارلىق وڭىرلەرىندە BACTEC MGIT-960, Hain-test جانە G- Xpert سياقتى اۋرۋدى تەز انىقتايتىن ادىستەر ەنگىزىلدى. ناۋقاستاردى باكتەريولوگيالىق زەرتتەۋ الگوريتمى ازىرلەنىپ، بەكىتىلدى.
تۋبەركۋلەزگە شالدىققانى العاش انىقتالعان ناۋقاستاردى ەمدەۋدىڭ تيىمدىلىگى 86,4% جەتتى. ال دۇنيەجۇزىلىك دەنساۋلىق ساقتاۋ ۇيىمىنىڭ (ددۇ) ستاندارتى 85% قۇرايدى.
ەلىمىزدە سوڭعى جىلدارى تۋبەركۋلەزبەن اۋىراتىن ناۋقاستاردى الەۋمەتتىك قولداۋ كولەمى دە ارتا ءتۇستى. 2014 -جىلى بۇل ماقساتقا 553 ميلليون تەڭگە ءبولىندى.
2015 - جىلعى 17-19 - اقپاندا ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ باستاماسىمەن قازاقستانداعى تۋبەركۋلەزدى ەپيدەميولوگيالىق قاداعالاۋ بارىسىن باعالاۋ ءۇشىن د د ۇ ساراپشىلارى كەلدى. ساپار بارىسىندا ولار تۋبەركۋلەزدى انىقتاۋ، دياگنوستيكالاۋ جانە تىركەۋدىڭ قولجەتىمدىلىگى مەن ساپاسىن باعالادى.
حالىقارالىق ساراپشىلار رەسپۋبليكادا بۇل سالادا باقىلاۋ جۇيەسى جولعا قويىلىپ، مەديتسينالىق- سانيتاريالىق العاشقى كومەك دەڭگەيىندە تۋبەركۋلەزگە شالدىعۋشىلىقتىڭ جاڭا وقيعالارىن انىقتاۋدا بەلسەندى جۇمىستار جۇرگىزىلەتىنىن اتاپ كورسەتتى. ددۇ ساپارشىلارى قازاقستانداعى تۋبەركۋلەزدى ەسەپكە الۋدىڭ اقپاراتتىق جۇيەسىنە شىنايى جانە ساپالى دەگەن باعا بەردى.
