يران مينيسترىنە قاز گ ز ۋ دوكتورى اتاعى بەرىلدى
ديپلوم مەن مانتيانى بۇگىن ۋنيۆەرسيتەت پرەزيدەنتى ماقسۇت نارىقبايەۆ تابىستادى.
«ءبىزدىڭ ۋنيۆەرسيتەتتىڭ وقۋ كەڭەسىنىڭ شەشىمىمەن يران يسلام رەسپۋبليكاسىنىڭ سىرتقى ىستەر ءمينيسترى موحامماد دجاۆاد زاريگە قازاق گۋمانيتارلىق- زاڭ ۋنيۆەرسيتەتىنىڭ قۇرمەتتى دوكتورى اتاعىن بەرۋ جونىندە شەشىم قابىلدادى. وعان مانتيا مەن قۇرمەتتى عىلىم دوكتورى ديپلومىن تابىستاۋعا رۇقسات ەتىڭىزدەر»، - دەپ اتاپ ءوتتى ول.
ونىڭ اتاپ وتكەنىندەي، قازاقستان مەن يران ەلدەرىن دوستىق قارىم- قاتىناستار بايلانىستىرادى.
«استاناعا قوش كەلدىڭىز. ءبىزدىڭ ستۋدەنتتەر ءۇشىن وتكىزگەن ءدارىسىڭىز قىزىقتى ءوتتى. سىزگە سۇراقتار قويعان ستۋدەنتتەر بولاشاق ديپلوماتتار مەن حالىقارالىق قاتىناستار ماماندارى. ولار ءۇشىن بۇل ءدارىس وتە ماڭىزدى»، - دەپ اتاپ ءوتتى ۋنيۆەرسيتەت پرەزيدەنتى.
«مەنىڭ جۇمىسىما ۇلكەن باعا بەرگەندەرىڭىز ءۇشىن العىس ايتامىن. يران مەن قازاقستان اراسىنداعى قاتىناستار جوعارى ساپالى دەڭگەيگە كوتەرىلۋدە. بىز ءوزارا تيىمدى ىقپالداستىققا دايىنبىز»، - دەدى موحامماد دجاۆاد زاري.
اۆتور: جاسۇلان جولدىبايەۆ
