الەمدەگى ەڭ جاس ميللياردەر ايەل بەلگىلى بولدى

31 جاسار «سەلف-مەيد» (ايەل ميللياردەر) ەليزابەت حولمس ا ق ش- تا تۇرادى. ونى جۋرناليستەر «يۋبكا كيگەن ستيۆ دجوبس» دەپ اتايدى.

ەليزابەت حولمس Theranos فارماكولوگيالىق كومپانياسىنىڭ نەگىزىن سالۋشى، سونداي-اق كومپانيانىڭ ءىرى قۇرىلتايشىلارىنىڭ ءبىرى. ونىڭ جەكە قازىناسى 4,6 ميلليارد دوللارعا تەڭ، ال بيزنەسى 9 ميلليارد دوللارعا باعالانادى.

Theranos كومپانياسىنىڭ نەگىزگى ءونىمى - ادامنىڭ قانىنا تالداۋ جۇرگىزۋ ارقىلى ونىڭ دەنساۋلىعىن انىقتايتىن دياگنوستيكالىق تەحنولوگيا. وسى تەحنولوگيانىڭ ارقاسىندا ادام دەنساۋلىعىن زەرتتەۋ وتە ارزان، تەز، ءونىمدى جانە ەش اۋىرتپالىقسىز جۇرگىزىلەدى. Theranos يننوۆاتسياسىنىڭ نەگىزگى قۇندىلىعى: پاتسيەنتتىڭ تەك ءبىر تامشى قانىن پايدالانىپ، 30 دان استام مەديتسينالىق زەرتتەۋ جۇرگىزۋگە بولادى، ياعني ونىڭ دەنساۋلىعى تۋرالى وتە كوپ ماعلۇمات الۋعا مۇمكىندىك بار دەگەن ءسوز.

1984-جىلى دۇنيەگە كەلگەن ەليزابەت حولمس Forbes تىزىمىنە 2014-جىلى ءىلىندى. ول 19 جاسىندا ستەنفورد ۋنيۆەرسيتەتىندەگى وقۋىن تاستاپ، بيزنەسپەن اينالىسۋعا بەل بۋادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى