قىتايدا ەكىنشى عارىش زەرتحاناسى اشىلادى

بۇل تۋرالى China Daily قىتايلىق عارىش تەحنولوگيالارى اكادەمياسىنا سىلتەمە جاساپ ءمالىم ەتتى.

تيانگۋن-2 زەرتحاناسى ق ح ر بولاشاق عارىش ستانساسى ءۇشىن عارىشتاعى تىرشىلىك ارەكەتىن قولداۋ تەحنولوگياسىن سىناقتان وتكىزەدى. ول ۇشىرىلعان سوڭ شاڭجۋ-11 عارىش كەمەسى Long March 2F زىمىران- تاسىعىشىندا تايكوناۆتاردى وربيتاعا جەتكىزەدى.

سونىمەن قاتار كەلەسى جىلى قىتاي جۇك تاسىمالدايتىن العاشقى شاڭجۋ -1 عارىش كەمەسىن ۇشىرماق. ول تيانگۋن-2-گە قوندىرعىلار مەن جانار-جاعار مايدى جەتكىزەدى.

عارىش ستانساسىنىڭ نەگىزگى ءمودۋلى 2018-جىلى ۇشىرىلادى، ال 2022-جىلى تولىققاندى قىزمەت اتقارا باستايدى دەپ كۇتىلۋدە.

ەسكە سالا كەتەيىك، تيانگۋن-1 زەرتحاناسى وربيتاعا 2011-جىلدىڭ قىركۇيەگىندە شىعارىلعان.

قازىر قىتاي ەڭ اۋىر جانە تەحنيكالىق جاعىنان كۇردەلى بولىپ تابىلاتىن Long March 5 زىمىران- تاسىعىشىن قۇراستىرىپ جاتىر. ونىڭ سالماعى 800 توننانى، ۇزىندىعى 57 مەتر، ديامەترى - 5 مەتر، جەر وربيتاسىنا جۇك كوتەرۋ قۋاتتىلىعى 25 توننانى جانە گەوسينحروندى وربيتاعا جۇك كوتەرۋ قۋاتتىلىعى 14 توننانى قۇرايدى.

تەحنيكالىق سيپاتتارى بويىنشا ول امەريكالىق Delta IV جانە Atlas V زىمىران- تاسىعىشتارىمەن تەرەزەسىن تەڭەستىرمەك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى