قىتاي ازاماتى الماتىدا الاياقتىڭ ارباۋىنا ءتۇسىپ قالدى
الماتى قالالىق سوتى باسپا ءسوز قىزمەتىنىڭ مالىمەتىنشە، 2012 -جىلى جاز ايلارىندا جەكە جالدانۋمەن اۋدارماشى بولىپ جۇمىس ىستەيتىن لو حۋڭ فاڭ بۇرىنعى تانىسى شەن فەنفەنگە ج ش س ورتاق قۇرىلتايشىسى رەتىندە ءوزىن تانىستىرا وتىرىپ، اتىراۋ، اقتوبە جانە قىزىلوردا وبلىستارىندا ورنالاسقان مۇناي كەن كوزدەرىندە ءىرى قۇرىلىس جۇمىستارىن جۇرگىزەتىنىن حاباردار ەتكەن.
ونىڭ فيرماسىمەن 1290241153 تەڭگە كولەمىندە قىزمەت كورسەتۋ جونىندەگى كەلىسىم- شارتىنىڭ كوشىرمەسىن ۇسىنعاندا، شەن فەنفەن وعان تولىعىمەن سەنگەن.
شەن فەنفەننىڭ وزىنە دەگەن سەنىمىن پايدالانعان لو حۋڭ فاڭ ج ش س- پەن جۇرگىزىلىپ جاتقان جوبالارعا قاتىسۋعا ۇسىنىس جاسايدى. 400000 دوللار اقشا بەرسە، ءبىر اپتانىڭ ىشىندە ونىڭ فيرماسىن تەندەرلەرمەن قامتاماسىز ەتەمىن، قۇرىلىس ماتەريالدارىن الدىرامىن، قۇرىلىس- مونتاج جۇمىستارىن جۇرگىزەمىن دەگەن جالعان ۋادەمەن الداۋسىراتقان.
كەيىننەن، لو حۋڭ فاڭ (Luo Hongfang) وزىنە العان مىندەتتەردى ورىنداماي، العان اقشالاردى قايتارماي، ودان بوي تاسالاپ قاشقان.
«سوت لو حۋڭ فاڭدى ق ر ق ك- نىڭ 177 -بابىنىڭ 4 -بولىگىنىڭ «ب» تارماعىمەن كىنالى دەپ تانىپ، جەكە مۇلكىن تاركىلەپ، 6 جىلعا باس بوستاندىعىنان ايىرىپ، جازاسىن جالپى رەجيمدەگى تۇزەۋ كولونياسىندا وتەۋ جازاسىن بەلگىلەدى»، - دەپ حابارلادى الماتى قالالىق سوتى باسپا ءسوز قىزمەتىنىڭ باسشىسى قۋاندىق ەشىمەت.
ۇكىم زاڭدى كۇشىنە ەنگەن جوق.
