قىرعىزستان پرەزيدەنتى ا. اتامبايەۆ مەشىت سالۋعا بىشكەكتەگى ءوزىنىڭ جەر ۋچاسكەسىن بەردى
بۇل تۋرالى قىرعىز رەسپۋبليكاسى پرەزيدەنتى اكىمشىلىگىنىڭ باسپا ءسوز قىزمەتىنەن حابارلادى.
اتالعان مەشىت قىرعىزستان رەسپۋبليكاسىندا 2010 - جىلدىڭ ءساۋىر ايىندا بولعان وقيعالار كەزىندە قازا تاپقان ازاماتتاردىڭ قۇرمەتىنە سالىنباق. ەل پرەزيدەنتى ا. اتامبايەۆ ول ءۇشىن 90- جىلدارى جەكە مەنشىگىنە بەرىلگەن استانانىڭ 7- شاعىن اۋدانىندا ورنالاسقان جەر ۋچاسكەسىن بەردى.
قىرعىزستان پرەزيدەنتىنىڭ قاتىسۋىمەن وتكەن مەشىت قۇرىلىسىن باستاۋ راسىمىنەن كەيىن 2010 - جىلعى ءساۋىر حالىق توڭكەرىسىندە قازا تاپقاندار مەن ونىڭ قاتىسۋشىلارىن بىرىكتىرەتىن قوعامدىق ۇيىمداردىڭ وكىلدەرىمەن كەزدەسۋ ءوتتى.
