قىتايدا جول-كولىك اپاتىنان زارداپ شەككەن جەتى قازاقستاندىق جۋىردا ەلگە ورالادى
بۇل تۋرالى ق ر سىرتقى ىستەر مينيسترلىگىنىڭ ايرىقشا تاپسىرمالار جونىندەگى ەلشىسى، رەسمي وكىلى التاي ابيبۋللايەۆ مالىمدەدى، دەپ حابارلايدى BNews.kz ءتىلشىسى.
«جەمەنەي قالاسىنىڭ اۋرۋحاناسىندا قازاقستاننىڭ 8 ازاماتى جاتىر، ال ءۇرىمجى قالاسىنىڭ مەديتسينالىق مەكەمەلەرىندە تاعى ەكى ازاماتىمىز ەمدەلۋدە. جول-كولىك وقيعاسىنان بەرى ءۇش قازاقستاندىق ازاماتىمىز وتانىنا ورالدى. بۇگىنگى كۇننەن باستاپ - 7- ءساۋىر مەن 9- ءساۋىر ارالىعىندا قازاقستاننىڭ 7- ازاماتىن ەلىمىزگە جەتكىزۋ جوسپارلانىپ وتىر. ءبىزدىڭ ازاماتتارىمىزعا قىتايدىڭ تاسىمالداۋشى كومپانياسى مەن شەكارا قىزمەتىنىڭ قىسىم كورسەتۋىنە قاتىستى پايدا بولعان اقپاراتقا بايلانىستى ءبىز تاسىمالداۋشى كومپانيا مەن قۇقىق قورعاۋ ورگاندارىنىڭ باسشىلىعىمەن ءتيىستى ءتۇسىندىرۋ جۇمىستارىن جۇرگىزدىك. قىتايدىڭ تاسىمالداۋشى كومپانياسى مەن شەكارا قىزمەتىنىڭ ءبىزدىڭ ازاماتتارىمىزعا قىسىم كورسەتۋىنە قاتىستى اقپارات قازىرگى تاڭدا راستالعان جوق»، - دەدى ا. ابيبۋلايەۆ.
«ءبىز ازاماتتارىمىز اينالاسىنداعى جاعدايدى باقىلاۋدا ۇستاپ وتىرمىز، جانە جاپا شەككەندەرمەن، جەمەنەي قالاسىنىڭ جەرگىلىكتى بيلىك وكىلدەرىمەن، سونىمەن قاتار تاسىمالداۋشى كومپانيا باسشىلىعىمەن ءتيىستى بايلانىستار ورناتتىق. سونىمەن قاتار، بارلىق مەديتسينالىق شىعىنداردى، سونىڭ ىشىندە ەمدەلۋ شارالارى، وتا جاساۋ، جاپا شەككەندەرگە قاراسۋ ماقساتىندا سوندا كەلگەن تۋىستارىنىڭ كۇندەلىكتى تۇرۋى، تاماقتانۋىن دا تاسىمدالداۋشى كومپانيا ءوز موينىنا الدى. جاپا شەككەندەردى قازاقستانعا جەتكىزۋ، جول- كولىك وقيعاسىنا كىنالى تاسىمالداۋشى كومپانيا ەسەبىنەن جۇزەگە اسىرىلاتىنىن اتاپ وتكىم كەلەدى»، - دەپ تولىقتىردى ەلشى.
قىتايلىق دارىگەرلەردىڭ الدىن الا ەسكەرتۋى بويىنشا (ىشكى ورگاندارعا وتا جاساۋ سالدارىنان) ءبىر قازاقستاندىققا ازىرگە جول جۇرۋگە بولمايدى.
