سۋ ادام ميىنا قالاي اسەر ەتەدى؟

ال الەم زەرتتەۋشىلەرى سۋدى تاعى ءبىر قىرىنان تانىدى. ولار سۋدىڭ ادامنىڭ ويلاۋ قابىلەتىنە تيگىزەتىن يگى اسەرىن قاراپايىم تاجىريبەمەن دالەلدەگەن ەكەن. ەندەشە، تاجىريبە قورىتىندىلارىنا نازار اۋدارايىق.

سۋ تەز شەشىم قابىلداۋعا كومەكتەسەدى

ۇلى بريتانيالىق زەرتتەۋشىلەر سۋدىڭ تىڭ قاسيەتىن انىقتاۋ ءۇشىن زەرتتەۋ سىناعىن وتكىزگەن. تاجىريبە 30-35 جاس ارالىعىنداعى ادامدار اراسىندا وتكەن. 10000 ادامدى تەڭ ەكى توپقا ءبولىپ، ينتەللەكتۋالدىق تەست تاپسىرمالارىن ورىنداۋدى ۇسىنعان. ءبىر توپ تاڭعى اسقا قۇرعاقتاي تاماقتانعان دا، ەكىنشى توپ تەك سۋ ىشكەن ەكەن.

ەكىنشى توپ ءبىرىنشى توپقا قاراعاندا سۇراقتارعا دۇرىس جانە تەز جاۋاپ بەرگەن ەكەن. زەرتتەۋ قورىتىندىسى سۋدىڭ ويلاۋ جىلدامدىعىن ارتتىرىپ، تەز شەشىم قابىلداۋعا كومەكتەسەتىنىن دالەلدەگەن. سونداي-اق، سۋدىڭ ادامنىڭ رەفلەكستىك قابىلەتىن ارتتىراتىنىن دا بايقاعان.

سۋ ميدىڭ قىزمەتىن ارتتىرادى

شىعىس لوندون ۋنيۆەرسيتەتىنىڭ قىزمەتكەرلەرى وسىنداي شەشىمگە كەلگەن. كەزەكتى ەمتيحانعا ءبىر توپ ستۋدەنت ءبىر شىنى سۋ ءىشىپ كىرگەن. ولار بۇل جولى الدىڭعى ەمتيحاندارىنا قاراعاندا %10 دۇرىس ورىنداعان ەكەن.

سۋ قۋات بەرەدى

سۋدىڭ ادامعا بەرەر تاعى ءبىر پايداسىن شىعىس لوندون ۋنيۆەرسيتەتىنىڭ دوتسەنتى كريس پاۋسون دالەلدەگەن. سۋدىڭ ادام اعزاسىنا قۋات بەرەتىن ەرەكشە كۇشى بار ەكەن. «دەنەمىزدەگى سۋدىڭ قالىپتى مولشەرىن ۇنەمى بۇزىپ الامىز. اعزاداعى سۇيىقتىقتىڭ ازدىعى ادام ومىرىنە كەرى اسەر ەتەدى. مي دەنەگە اعزانىڭ «قۇرعاعانى» تۋرالى حابار تاراتسا، دەنە السىرەپ، تالىقسۋ پايدا بولادى»، - دەيدى زەرتتەۋشى. شارشاپ-شالدىققاندا نەمەسە باس اينالۋدىڭ، السىزدىكتىڭ الدىن الۋ ءۇشىن ءبىر شىنى سۋ ىشكەن دۇرىس.

tv.kz-kazakh

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى