بولاشاقتا وتاندىق ماكارون ونىمدەرى قىتايعا ەكسپورتتالماق
ديىرمەن- ماكارون كەشەنى تاۋلىگىنە 192 مىڭ توننا ءونىم شىعارۋعا قاۋقارلى. بىلتىر كومپانيا 740 ميلليون تەڭگەنىڭ تاۋارىن شەتەلگە ەكسپورتتاپتى. توقىراۋ زاماندا تالاي كاسىپورىندار توقتاپ تۇرعاندا جۇمىسىن باستاعان «سۇلتان» ديىرمەن- ماكارون كەشەنى بۇگىن ەڭبەكتىڭ جەمىسىن كورىپ وتىر. تاسى ورگە دومالاعان كاسىپورىن قازىرگى تاڭدا ماكارون ونىمدەرىنىڭ 38 ءتۇرىن دايىنداپ شىعارادى. باستىسى، وتاندىق تاۋارلاردىڭ ساپاسى جوعارى. ءونىم حالىقارالىق ستاندارتتارعا ساي. پەتروپاۆلداعى «سۇلتان» ا ق بۇگىنگى تاڭدا باسەكەگە توتەپ بەرەتىن تاۋار شىعارادى. ءوندىرىس ورنىنا قويىلعان قوندىرعىلاردىڭ بارلىعى زامان تالابىنا ساي. مۇنداعىلار ساننان گورى ساپاعا ءمان بەرەدى. ال ساپالى دۇنيەگە ءارقاشان سۇرانىس بولارى ءسوزسىز. سۇرانىس بولعاندا قانداي؟
قۇلاشىن كەڭگە جايعان فابريكانىڭ ونىمدەرى قازاقستاننان بولەك ت م د ەلدەرىمەن ورتالىق ازيا مەملەكەتتەرىنىڭ نارىعىن قامتاماسىز ەتىپ وتىر. ايتا كەتۋ كەرەك، وسىلايشا كومپانيا تەك بىلتىرعى جىلى 4000 توننادان استام ءونىمدى شەتەلگە ەكسپورتقا شىعارعان. دينا بايبوسىنوۆا، «سۇلتان» ا ق باس ديرەكتورنىڭ كومەكشىسى: - دايىن بولعان ماكارون ونىمدەرى جوعارى تەمپەراتۋرالى كەپتىرگىشتەن وتەدى. سوندىقتاندا ولار پىسكەن كەزدە ەزىلمەيدى. ونىڭ ۇستىنە ۇزاق ۋاقىت بويى ءوزىنىڭ ءدامىن ساقتاپ قالادى. ءار قامتامانىڭ سىرتىندا قازاقشا، ورىسشا جانە اعىلشىن تىلدەرىندە ءونىمدى قالاي پايدالانۋ كەرەك ەكەنى جازىلعان. بۇگىنگى كۇنى فابريكاداعى قوندىرعىلار تۇبەگەيلى اۆتوماتتاندىرىلعان. مۇنداعى قىزمەتكەرلەر تەك دايىن بولعان ونىممەن قاپتامانىڭ ساپاسىن قاداعالايدى. ۆيكتور تراسكوۆسكيي، ديىرمەن- ماكارون كەشەنىنىڭ ديرەكتورى: - شارۋانىڭ قالاي ءجۇرىپ جاتقاندىعىن كومپيۋتەردەن، ياعني PLC جۇيەسى ارقىلى باقىلاۋعا بولادى. بارلىق جۇمىستى وپەراتور ورتالىق باسقارۋ تەتىگىنەن قاداعالايدى. ەگەر دە ولقىلىقتار ورىن الىپ قالىپ جاتسا، قوندىرعى جۇمىسىن اۆتوماتتى تۇردە توقتاتادى. قازىرگى تاڭدا اكتسيونەرلىك قوعامدا 350 گە جۋىق ازامات قىزمەت اتقارادى. الداعى ۋاقىتتا «سۇلتان» ا ق- نىڭ ماكارون ونىمدەرى اسپان استى ەلىندە دە ساۋدالانباقشى.
