ەير استانا ۇشاقتارىندا ءمانتى بەرىلەتىن بولدى
ءباسپاسوز قىزمەتىنىڭ مالىمەتىنشە، كوپشىلىكتىڭ سۇراۋى بويىنشا كومپانيا ۇلتتىق تاعامداردىڭ سانىن ارتتىرۋعا شەشىم قابىلدادى، ەندى مازىردە ءمانتى بار.
«بيزنەس-كلاسس رەيستەرىنە ارنالعان التى سيكلدىڭ بىرەۋىندە ءداستۇرلى تاعامدار ۇسىنىلاتىن بولادى». ايتا كەتەيىك، جاڭا ءمازىر 1 - ساۋىردەن باستاپ الماتى، پاريج جانە ستامبۇل رەيستەرىنە، ال 1 - مامىردان باستاپ استانادان ۇشاتىن رەيستەرگە ەنگىزىلەدى.
«ءبىز جاڭادان جاسالعان مازىردە اسحانانىڭ ارتۇرلىلىگىنە باسىمدىق بەردىك. ارينە، ءبىز ءۇشىن ەڭ باستىسى دامدەردىڭ جاقسى ۇيلەسۋى مەن ساپانى ودان ءارى جاقسارتا تۇسۋگە قول جەتكىزۋ. ەگەر بيزنەس- كلاسستاعى جولاۋشىلارعا ءمانتى كوبىرەك ۇنايتىن بولسا، بۇل تاعامدى ەكونوم- كلاسسقا دا ۇسىنۋ مۇمكىندىگىن قاراستىرامىز، سونداي- اق بىرتىندەپ ەكى كلاسستى دا كوبىرەك ۇلتتىق اسحانا تاعامدارىمەن قامتۋ بويىنشا جۇمىس ىستەيمىز»، - دەدى «ەير استانا» كومپانياسىنىڭ باس اسپازى ريچارد حايلەند.
ايتا كەتەيىك، ۇلتتىق تاعامداردى، ولاردىڭ قاتارىنداعى ءمانتى دايىنداۋعا دا تاماقتانۋ ساپا مەنەدجمەنتىنىڭ جۇيەسى IATA پەن HACC حالىقارالىق ستاندارتتارىنا سايكەس تەحنولوگيا قولدانىلادى.
