قازاقستان اسكەرلەرىنىڭ بىرىككەن ۇلتتار ۇيىمىنىڭ وپەراتسيالارىن جۇرگىزۋدە تاجىريبەلىك داعدىسىن ارتتىرۋ شاراسى باستالادى
«ەرتەڭ الماتى وبلىسىنداعى «ىلە» پوليگونىنا ا ق ش پەن ۇلى بريتانيا اسكەري قىزمەتشىلەرىنىڭ الدىڭعى توپتارى كەلە باستايدى.
«دالا قىرانى - 2015» وقۋ- جاتتىعۋى ەكى كەزەڭدە، ياعني اعىمداعى جىلدىڭ ءساۋىر جانە ماۋسىم ايلارىندا وتكىزىلەتىن بولادى. ءبىرىنشى كەزەڭ بارىسىندا ۇلى بريتانيا اسكەري قىزمەتشىلەرى قازبات 1 بولىمشەسىمەن روتالىق دەڭگەيدە بەيبىتشىلىكتى جانە حالىقارالىق ۇيلەسىمدىلىكتى قولداۋ بويىنشا ءىس- قيمىلدى ورىنداۋ مۇمكىندىكتەرىن ارتتىرۋ ءۇشىن تاكتيكالىق جاتتىعۋلار وتكىزبەك»، - دەلىنگەن ق ر قورعانىس مينيسترلىگى باسپا ءسوز قىزمەتىنىڭ مالىمەتىندە.
اتاپ ايتقاندا، وقۋ- جاتتىعۋدىڭ ءبىرىنشى اپتاسىندا بولىمشە تاكتيكالىق مىندەتتەردى ورىنداۋدى ۇيرەنەتىن بولادى، ال ەكىنشى اپتادا ەركىن تاكتيكالىق جاعدايعا سايكەس دالالىق وقۋ- جاتتىعۋ وتكىزىلەدى. سونىمەن بىرگە ا ق ش وكىلدەرى قازبات جانە قازبريگ شتابتارىن اسكەري شەشىم قابىلداۋ رەسىمدەرىن وقىتىپ، جەتىلدىرەتىن بولادى. ءبىرىنشى اپتادا قازبريگ جوعارعى باسشىلىقتان Ⅱكەزەڭگە جاۋىنگەرلىك وكىم الىپ، اسكەري شەشىم قابىلداۋ ۇدەرىسىن جۇرگىزەدى. ەكىنشى اپتادا قازبات 1 مەن 2 قازبريگتەن الىنعان جاۋىنگەرلىك وكىم نەگىزىندە اسكەري شەشىم قابىلداۋ ۇدەرىسىن جۇرگىزەدى.
«ءىس- شارانىڭ باستى ماقساتى قازاقستاندىق بىتىمگەرشىلىك بريگاداسى شتابى مەن قازاقستاندىق بىتىمگەرلىك باتالوننىڭ ب ۇ ۇ (بىرىككەن ۇلتتار ۇيىمى) بىتىمگەرشىلىك وپەراتسيالارىن جۇرگىزۋ بارىسىنداعى پراكتيكالىق داعدىسىن، سونداي- اق قارسىلاس تاراپتار اراسىنداعى جانجال جاعدايىندا بىتىمگەرشىلىك ءىس- قيمىلداردى ورىنداۋ كەزىندە بولىمشەلەردىڭ جاۋىنگەرلىك ۇيلەسىمدىلىگىن ارتتىرۋ بولىپ تابىلادى»، - دەلىنگەن ۆەدومستۆو مالىمەتىندە.
