قانات يسلام: گولوۆكين ەكەۋمىزدىڭ ارمانىمىز ەكى باسقا

«قانداي جارىسقا بولسىن، تەك چەمپيون بولامىن دەپ دايىندالامىز. ەكى اي ۋاقىتىم تەك قانا وسى 19- كەزدەسۋگە كەتتى. سول دايىندىق ناتيجەسىز بولمادى. ەندىگى كەزدەسۋدى ا ق ش- تا وتكىزۋ جوسپاردا بار. ول جاقتان ەكى كەلىسىم-شارت كەلدى. كومەكشى زاڭگەرلەرىم وسى تۇرعىدا جۇمىس ىستەپ جاتىر. قارسىلاسىم الداعى اپتادا انىقتالادى»، - دەدى ق. يسلام «تاڭشولپان» باعدارلاماسىندا بەرگەن سۇحباتىندا.

«بالا كەزىمدە الدىمداعى اعالارىمنان «مەن قالاي تەز جەڭىسكە جەتەمىن؟»، - دەپ سۇرايتىن ەدىم. سوندا ولار: « سەن قازاقتىڭ باتىرلار جىرىن وقى، ولاردىڭ ءار شايقاس الدىندا قالاي دايىندالاتىنىنا نازار اۋدار»، - دەيتىن. ماعان قارسىلاسىمدى قالاي ۇرىپ، قانداي تەحنيكا قولدانۋدى ەمەس، وسىنداي كەڭەس بەرەتىن. قاراپ وتىرسام، بۇل ادامعا جىگەر بەرەدى ەكەن. بۇگىندە رينگكە ءار شىققان سايىن، سونداي كوڭىل-كۇيمەن شىعامىن. ويتكەنى، سوڭىمدا حالىق قاراپ وتىر، قارسىلاس تا جەڭىلەمىن دەپ كەلمەيدى. سوندىقتان، بارىڭدى سالاسىڭ».

كەيىندەرى الەۋمەتتىك جەلىلەردە قازاقتىڭ نامىسىن قورعاپ جۇرگەن ەكى باتىر قانات يسلام مەن گەننادي گولوۆكين رينگتە كەزدەسەدى دەگەن اڭگىمە تاراپ ءجۇر. وسى تۋراسىندا بوكسشى: « گەنا - مىقتى جىگىت. ونى ومىردە دە، سپورتتا دا قاتتى سىيلايمىن. ەكەۋمىزدىڭ سالماقتارىمىز جاقىن، مەن 70 كەلىدە شىقسام، ول 72 كەلى سالماقتا شىعادى. ءبىراق، ەكەۋمىزدىڭ ارمانىمىز ەكى باسقا. ەكەۋمىز دە قازاقپىز، قازاق ەلىنىڭ نامىسىن قورعايمىز، ەكەۋمىزگە دە قازاق ەلىنىڭ نامىسى قىمبات، ەكەۋمىزدىڭ دە ماقسات ەتىپ جۇرگەن قارسىلاستارىمىز بار. ءبىزدىڭ رينگتە كەزدەسۋىمىز مۇمكىن ەمەس. سەبەبى، اركىمنىڭ ءوزىنىڭ قارسىلاستارى جەتىپ ارتىلادى. مەنىڭ ويىمشا، ەكى قازاقتى تالاستىرىپ قاجەت ەمەس»، - دەيدى.

kazsport.kaztrk.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى