قازاقستاندىق عالىمدار ءتىل ۇيرەتەتىن ءدارى جاساپ شىعاردى
ءتىپتى شەتەلدىك ارىپتەستەرىن قايران قالدىرعان اقحالاتتىلار ەندى وسى سالادا مەملەكەتتىك ءتىلدىڭ تەجەلۋىن دە ءدارى- دارمەك ارقىلى شەشۋدىڭ وڭاي جولىن تاپتى.
ناقتىراق ايتساق، الماتىدا اتاۋى قۇپيا ساقتالىپ وتىرعان عىلىمي زەرتتەۋلەر ورتالىعىندا عالىمدار كۇتپەگەن جاڭالىق اشتى. ولار ەلىمىزدىڭ بايقوڭىر ءوڭىرى مەن سەمەي سىناق الاڭدارىندا وسەتىن ومىرشەڭ ءشوبىنىڭ قىمىز بەن شۇباتقا قوسىلعان سىعىندىسىنان «Anatil» (انا ءتىل) دەپ اتالاتىن ءدارى جاساپ شىعاردى. ءبىر قاراعاندا كادىمگى اسپيرين مەن بيسەپتولدان اۋمايتىن «تابلەتكانى» ەشكى سۇتىمەن ىشسەڭىز، ءبىر تاۋلىكتەن سوڭ قازاق تىلىندە ساي- راپ قويا بەرەسىز.
بارىنەن ەرەكشەلىگى، «تابلەتكا» ۇلتتىق ناقىشتا جاسالعان. دەنساۋلىققا ەشقانداي كەرى اسەرى جوق. قايتا ميدى تىنىقتىرىپ، ويلاۋ جۇيەسىن دامىتادى. مۇنى جاساعان عالىمدار «تابلەتكانىڭ» سىناقتان ءساتتى وتكەنىن جانە العاشقى كەزەكتە اكىمقارالار تاراپىنان ۇلكەن سۇرانىس تۇسەتىندىگىن ايتادى. ال باعاسى اركىمنىڭ قالتاسىنا قاراي بەلگىلەنبەكشى. ەندى ماماندار وسى ءدارىنىڭ شەت ءتىلىن ۇيرەنۋگە ىقىلاسى زور ازاماتتار ءۇشىن «Pysyk» دەپ اتالاتىن ءتۇرىن شىعارماقشى.
«ايقىن»
