ۇلى وتان سوعىسىنىڭ باتىرلارى: ءابۋ دوسمۇحامبەتوۆ

ءابۋ دوسمۇحامبەتوۆ 1920-جىلى سولتۇستىك قازاقستان وبلىسى، ءۋاليحانوۆ اۋدانى، ۇشكول اۋىلىندا دۇنيە ەسىگىن اشىپ، 1943-جىلى قازاننىڭ 5- كۇنى ۋكراينا، كيەۆ وبلىسى، چەرنوبىل قالاسىندا قازا تاپقان. 2-دۇنيە جۇزىلىك سوعىسقا قاتىسۋشى، اعا لەيتەنانت، اتقىشتار روتاسىنىڭ كومانديرى.

قازاقستاندا 7 سىنىپتى بىتىرگەن سوڭ قورعان وبلىسى، پەتۋحوۆ اۋدانى، چەباچە سەلوسىندا تۇرعان. «جاڭا جول» مال فەرماسىنىڭ مەڭگەرۋشىسى بولدى.

1939-جىلدىڭ قىركۇيەگىندە كەڭەس اسكەرى قاتارىنا شاقىرىلعان. ونداعى پولك مەكتەبىن ۇزدىك ءبىتىرىپ، لەيتەنانت اتاعىن الادى. دوسمۇحامبەتوۆ كيەۆ قالاسىنان (ۋكراينا) سولتۇستىككە قاراي دنەپر وزەنىنەن ءوتۋ كەزىندە ايرىقشا كوزگە ءتۇستى. 1943-جىلعى قىركۇيەك ايىنىڭ سوڭىندا 8-اتقىشتار ديۆيزياسىنىڭ 1-اتقىشتار روتاسى پريپيات ساعاسىنان سولتۇستىككە قاراي دنەپرگە جەتكەن. روتاسىمەن شابۋىلعا شىعىپ، جاۋدى كەرى شەگىنۋگە ءماجبۇر ەتتى.

جاۋمەن جان الىسىپ، جان بەرىسكەن سوعىس مايدانىندا 5- قازان كۇنى ەرلىكپەن قازا تاپتى. كورسەتكەن باتىلدىعى ءۇشىن دوسمۇحامبەتوۆكە ك س ر و جوعارعى كەڭەسى ءتورالقاسىنىڭ جارلىعىمەن كەڭەس وداعىنىڭ باتىرى اتاعى بەرىلدى (16.10.1943).

چەرنوبىل قالاسىنىڭ ساياباعىندا باتىردىڭ قۇرمەتىنە بيۋست ورناتىلعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى