بەكزات ساتتارحانوۆ اتىنداعى بوكستان حالىقارالىق تۋرنير باستالدى

اتالعان تۋرنيرگە قىتاي، رەسەي، موڭعوليا، قىرعىزستان، تاجىكستان، ازەربايجان، وزبەكستان جانە قازاقستان رەسپۋبليكاسىنىڭ بارلىق وبلىستارىنان 200 گە جۋىق جاس سپورتشىلار قاتىسىپ وتىر. سونىمەن بىرگە، 13 سالماق دارەجەسى بويىنشا وتەتىن بۇل سايىستىڭ ەرەكشەلىگى 3 سالماق دارەجەسى بويىنشا قىزدارىمىز دا باق سىنايتىن بولادى.

جىل سايىن داستۇرگە اينالعان حالىقارالىق تۋرنير بيىل ەرەكشە ءسان سالتاناتىمەن باستاۋ الدى. ەر بەكزاتتىڭ ومىرىندەگى ايتۋلى كۇندەردىڭ قۇرمەتىنە وراي، ۇيىمداستىرىلعان جارىستىڭ اشىلۋ سالتاناتى ق. ا. ياسساۋي اتىنداعى ح ق ت ۋ- ءنىڭ مادەنيەت سارايىندا ءوتتى. جاستار اراسىنداعى حالىقارالىق سايىستى رەسمي تۇردە وبلىس اكىمىنىڭ ورىنباسارى س. قانىبەكوۆ اشىپ، بارلىق سپورتشىلارعا ساتتىلىك تىلەدى.

بۇدان سوڭ تۇركىستان قالاسىنىڭ اكىمى ءا. وسەربايەۆ، وليمپيادا جەڭىمپازدارى س. ساپيەۆ، ب. سارسەكبايەۆ ەل الدىندا ىستىق لەبىزدەرىن جەتكىزىپ، ب. ساتتارحانوۆتىڭ اتا-اناسىنا سىي-سياپات جاساپ، قۇرمەت كورسەتتى. اشىلۋ سالتاناتىندا تۇڭعىش وليمپيادا جەڭىمپازى ب. ساتتارحانوۆقا ارنالعان فيلم كورسەتىلىپ، بەلگىلى ايتىسكەر اقىن ب. شويبەكوۆ باستاعان ونەر جۇلدىزدارى ق. نۇرتاس، ب. مۇستافايەۆ پەن جەرگىلىكتى ونەرپازداردىڭ ءان جىرىمەن جالعاستى.

ب. ساتتارحانوۆ اتىنداعى بوكستان حالىقارالىق تۋرنير ءساۋىردىڭ تورتىنە دەيىن جالعاسادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى