ۇلى وتان سوعىسىنىڭ باتىرلارى: بوران نىسانبايەۆ

بوران نىسانبايەۆ 1918-جىلى اتىراۋ وبلىسى يندەر اۋدانى قاڭباقتى اۋىلىندا دۇنيەگە كەلگەن. ال 1943-جىلى 2- اقپاندا رەسەي فەدەراتسياسىنىڭ ورەل وبلىسىندا قازا تاپتى.

ەكىنشى دۇنيە جۇزىلىك سوعىسقا قاتىسۋشى، مينومەتشىلەر راسچەتىنىڭ كومانديرى. 1942-جىلى اسكەر قاتارىنا شاقىرىلىپ، 137-اتقىشتار ديۆيزياسىنىڭ 771-پولكى مينومەتشىلەر راسچەتىنىڭ كومانديرى بولدى. 1943-جىلى رەسەيدىڭ ورەل وبلىسى لەسكي دەريەۆنياسى جانىنداعى ۇرىس كەزىندە جاۋ دزوتىن كەۋدەسىمەن جاۋىپ، ءوزى ەرلىكپەن قازا تاپتى. وسى ەرلىگى ءۇشىن نىسانبايەۆقا 1943-جىلى 23- قىركۇيەك كۇنى ك س ر و جوعارعى كەڭەسى ءتورالقاسىنىڭ جارلىعىمەن كەڭەس وداعىنىڭ باتىرى اتاعى بەرىلدى.

ورەل وبلىسى پوكروۆ اۋدانى دروسكوۆو دەريەۆنياسىندا جەرلەنگەن.

لەنين، 1-دارەجەلى وتان سوعىسى وردەندەرىمەن ماراپاتتالدى. نىسانبايەۆ قازا بولعان جەرگە ەسكەرتكىش قويىلدى جانە دروسكوۆو ورتا مەكتەبىنە ەسىمى بەرىلىپ، بيۋست ورناتىلدى.

تۋعان اۋىلىنداعى مەكتەپ، ءبىر كوشە نىسانبايەۆ ەسىمىمەن اتالادى. ونىڭ ەرلىگى «ەتو بىل ۆ لەسكي» دەپ اتالاتىن پەساعا ارقاۋ بولىپ، باتىردى ەسكە الۋعا ارنالعان ۆولەيبول تۋرنيرى جىل سايىن وتكىزىلىپ تۇرادى.

جازۋشى، اقىن نابيدەن ابۋتاليەۆتىڭ «بوران نىسانبايەۆ» وچەركتەرى اتتى كىتابى جارىق كورگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى