تالدىقورعاندا ىسكەر ايەلدەر باس قوستى

وتىرىستى ق ر ۇ ك پ ءتورالقا ءتوراعاسى حاتشىلىعىنىڭ باسشىسى ءلاززات رامازانوۆا اشتى، دەپ حابارلايدى ۇلتتىق كاسىپكەرلەر پالاتاسىنىڭ باسپا ءسوز قىزمەتىنەن.

الماتى وبلىسى كاسىپكەر ايەلدەردىڭ كوممەرتسيالىق ەمەس ۇيىمى وڭىرلەردە قۇرىلعان «بەستىكتىڭ» قاتارىنا كىردى.

ءلاززات رامازانوۆانىڭ سوزىنە سۇيەنسەك، بۇگىندە ءىسىن باستاۋشى كاسىپكەر ايەلدەردى قىزىقتىرۋى مۇمكىن جوبالار توبىن قالىپتاستىرۋ قاجەت. ەلدەگى جانە الەمدەگى ەكونوميكالىق وزگەرىستەر ولاردىڭ الدىنان جاڭا مۇمكىندىكتەر اشۋدا.

سوندىقتان دا ۇلتتىق كاسىپكەرلەر پالاتاسى بيزنەستەگى حانىمداردى start-up جانە ارەكەت ەتۋشى جوبالاردا قولداۋعا دايىن.

- وڭىرلىك ىسكەر ايەلدەر كەڭەستەرى - بيزنەستەگى ايەلدەر باستاماسىن دامىتۋ بويىنشا كۇشتەردى شوعىرلاندىرۋعا ارنالعان الاڭ. بۇگىندە ۇكپ ءاربىر كاسىپكەر ايەلدىڭ بيزنەس سالاسىندا ويلاعانىن ىسكە اسىرا الۋى ءۇشىن بار جاعدايدى جاساپ وتىر.

ءبىزدىڭ مىندەت ايەلدەر ءۇشىن ۇلگىلىك جوبالاردىڭ تيپتىك توپتاماسىن قالىپتاستىرۋ، ولار ءتۇرلى سەبەپتەرمەن ەكونوميكالىق تۇرعىدان بەلسەندى ەمەس، الايدا جەكە بيزنەس اشۋدى ويلاستىرۋدا. كەڭەستىڭ قۇرىلۋىمەن وڭىرلەردەگى كاسىپكەر حانىمدار سۇحبات الاڭىنا يە بولىپ، وندا سەرىكتەستىك جاسايدى جانە ءوز ءونىمى ءۇشىن جاڭا وتكىزۋ نارىعىن تاباتىن بولادى، - دەدى ءلاززات رامازانوۆا.

«اتامەكەن» ۇ ك پ ءتورالقا ءتوراعاسى حاتشىلىعى باسشىسىنىڭ اقپاراتى بويىنشا، الماتى وبلىسىندا بۇگىندە ميلليوننان استام ايەل بار ەكەن. الايدا ءوزىن- ءوزى جۇمىسپەن قامتۋشىلار سانى وڭىردە بار-جوعى 181325 ادام، ال ونىڭ ىشىندە قىرىق مىڭعا جۋىق ايەل قالادا تۇرادى.

ل. رامازانوۆانىڭ ايتۋىنشا، ايەلدەر جۇمىسباستىلىعىنىڭ ۇلعايۋى كاسىپكەرلەر پالاتاسى جۇمىسىنىڭ نەگىزگى باسىمدىلىعى بولماق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى