پاۆلوداردا جىلقىنى باعىپ، تابىس تاپقان شارۋاشىلىقتار سانى ارتتى
ماسەلەن، ماي اۋدانىنداعى «اقجار- ءوندىرىس» ج ش س بۇقتىرىلعان جىلقى ەتىن رەسەيگە ەكسپورتتايدى. ەش قوسپاسىز وتاندىق ونىمگە ىشكى نارىقتا دا سۇرانىس جوعارى.
«اقجار- ءوندىرىس» سەرىكتەستىگىنىڭ جىلقى ەتىن كونسەرۆىلەيتىن سەحىندا بۇقتىرىلعان ەت قالايى قالبىرلارعا سالىنادى. ون ادام جۇمىس ىستەيتىن سەحتا تاۋلىگىنە 2 توننا كونسەرۆى جاسالادى.
تازا بۇقتىرىلعان ەت پەن ارپا، قاراقۇمىق، كۇرىش قوسىلعان بوتقالار قازىر رەسەيگە ەكسپورتتالۋدا. تاۋاردىڭ باسەكەگە قابىلەتتىلىگىن ارتتىرۋ ءۇشىن كاسىپورىن جۋىردا قالبىردىڭ قاقپاعىن ەۋروپالىق ستاندارتقا ساي جابۋ ىسىنە كىرىستى.
«تاۋلىگىنە 20 مىڭ قالبىر بۇقتىرىلعان ەت شىعاراتىن قاۋقارىمىز بار. سىيىمدىلىعى 325 گرامدىق قالايى قالبىرلاردى ءوزىمىز جاسايمىز. سونداي-اق ءونىمدى تەمىرتاۋ قالاسىنداعى «ماگنيتكا» سەرىكتەستىگى شىعاراتىن ىدىستارعا دا سالامىز»، - دەيدى «اقجار- ءوندىرىس» ج ش س- ءنىڭ قارجىلىق ديرەكتورى گۇلزيرا قازىلوۆا.
«اقجار- ءوندىرىس» سەرىكتەستىگىنىڭ ونىمدەرى ەلىمىزدىڭ بارلىق ايماقتارىندا ساتىلىپ جاتىر. جىلقى ەتىنەن ازىرلەنگەن ءدامى ءتىل ۇيىرەتىن تاعامدى مەملەكەتتىك مەكەمەلەر، ۇلتتىق كومپانيالارمەن بىرگە قالا تۇرعىندارى دا تۇتىنادى. ق
ساتۋشى قالامقاس جاقىپوۆانىڭ ايتۋىنشا، بۇقتىرىلعان ەت، قىمىزعا دەگەن سۇرانىس وتە جوعارى. ارنايى كەلىپ الاتىن كىسىلەر بار استانادان، تاعى باسقا قالالاردان. بالىقشىلار، اڭعا شىققان ادامدار ارنايى كەلىپ سەرىكتەستىكتىڭ تاۋارىن الادى.
تابىسىن ءتورت تۇلىكتەن تاۋىپ وتىرعان شارۋاشىلىق قىسى- جازى تەبىندە جۇرەتىن قازاقتىڭ جابى تۇقىمداس جىلقىسىن اسىرايدى. جانۋار بورداقىلاۋعا دا، ساۋىنعا دا جاقسى. مالدىڭ ەتى مەن ءسۇتىن، ءجۇنى مەن تەرىسىنە دەيىن ۇقساتىپ وتىرعان «اقجار- ءوندىرىس» سەرىكتەستىگى بىلتىردان باستاپ ءتۇبىتتى ەشكى وسىرە باستاعان.
- «باسىمدى باعىت وسى مال شارۋاشىلىعى، ونىڭ ىشىندە اسىلتۇقىمدى، جابى تۇقىمدى جىلقى وسىرەمىز. ودان كەيىن قازاقتىڭ قۇيرىقتى قويىن وسىرەمىز. ول دا اسىل تۇقىمدى»، - دەيدى «اقجار- ءوندىرىس» ج ش س-نىڭ اتقارۋشى ديرەكتورى سەرىك باقاۋوۆ.
وسىلايشا قالا جۇرتشىلىعى اۋىلدان جەتكەن ءدامدى الۋعا اسىعادى. البەتتە ساپاسى جوعارى، ەكولوگيالىق تازا ونىمگە سۇرانىس مول. ال «وتاندىق ءونىمدى ساتىپ ال!» اكسياسى جەرگىلىكتى تاۋار وندىرۋشىلەردىڭ پايداسىنا جاراپ تۇر. قولدا باردى ۇقساتا بىلگەن «اقجار- ءوندىرىس» مۇنى ايقىن سەزىنۋدە.
