الماتىداعى و. جاۋتىكوۆ اتىنداعى مەكتەپ ۇزدىك وليمپيادلىق كوماندا اتاندى

الدىن الا ءۇش كەزەڭدە بولىپ، وعان مەكتەپ، اۋدان جانە وبلىستاردان قاتىسىپ، ەندىگى كەزدە وليمپيادانىڭ ءتورتىنشى قورىتىندى كەزەڭى بولدى.

وليمپيادانىڭ باستى ماقساتى - شىعارماشىلىق قابىلەتتەرىن دامىتۋ، تەوريالىق ءبىلىم مەن تاجىريبەلىك داعدىلاردى تەرەڭدەتۋ، ءوزىن- ءوزى ىسكە اسىرۋعا ىقپال ەتۋ، دارىندى بالالاردى انىقتاۋ ماقساتىندا ولاردىڭ جاعدايىن جاساۋ، ىرىكتەۋ جانە حالىقارالىق وليمپياداعا قاتىسۋ ءۋشىن ستۋدەنتتەردى دايىنداۋ.

 عىلىمي- ماتەماتيكالىق ءپان بويىنشا قورىتىندى كەزەڭدە رەسپۋبليكانىڭ بارلىق وڭىرلەرىنەن 704 مەكتەپ وقۋشىلارى قاتىستى. I دارەجەلى ديپلوممەن 48 مەكتەپ وقۋشىسى ماراپاتتالدى،  Ⅱ دارەجەلى ديپلوممەن - 97 مەكتەپ وقۋشىسى،  Ⅲ دارەجەلى ديپلوممەن - 168 مەكتەپ وقۋشىسىماراپاتتالدى، دەپ حابارلادى ءبىلىم جانە عىلىم مينيسترلىگىنىڭ باسپا ءسوز قىزمەتى.

«ۇزدىك وليمپيادالىق كوماندا» اتالىمىندۆا رەسپۋبليكالىق مامانداندىرىلعان و. جاۋتىكوۆ اتىنداعى فيزيكا- ماتەماتيكالىق ورتا مەكتەپ- ينتەرناتىنىڭ كومانداسى ماراپاتتالدى. كوماندالىق ەسەپتە 1 -ورىندى استانا جانە الماتى قالالارى، جامبىل وبلىسىنىڭ كوماندالارى يەلەندى، 2 -ورىندى شىعىس قازاقستان، پاۆلودار، قوستاناي وبلىستارىنىڭ كوماندالارى، 3 -ورىندى - قاراعاندى، اقتوبە وبلىستارىنىڭ كوماندالارى جانە «نازاربايەۆ زياتكەرلىك مەكتەپتەرى» دەربەس ءبىلىم بەرۋ كومانداسى ءوز قورجىندارىنا سالدى.

«فيزيكا» پانىنەن وڭتۇستىك قازاقستان وبلىسى، شاردارا اۋىلىنىڭ 11 -سىنىپ وقۋشىسى نۇرعالي اسىلحانعا «ۇزدىك اۋىل وقۋشىسى» اتالىمىندا سەرتيفيكات بەرىلدى. پاۆلودار وبلىسىنىڭ «جاس دارىن» ارنايى مەكتەبىنىڭ 8 -سىنىپ وقۋشىسى موحاممەد-ءالى ءامىر ماتەماتيكا ءپانى بويىنشا ەڭ ۇزدىك ناتيجە كورسەتتى.

رەسپۋبليكالىق وليمپياداعا قوعامدىق- گۋمانيتارلىق باعىتتاعى پاندەر بويىنشا 551 وقۋشىسى قاتىستى. كوماندالىق ەسەپ بويىنشا 1 -ورىندى استانا جانە الماتى قالالارى، اتىراۋ، قوستاناي، شىعىس قازاقستان وبلىستارى، 2-ورىندى جامبىل، باتىس قازاقستان، پاۆلودار، قاراعاندى وبلىستارى، 3-ورىندى وڭتۇستىك قازاقستان مەن سولتۇستىك قازاقستان وبلىستارى يەلەندى. «قازاق مەكتەبىندەگى ورىس ءتىلى» پانىنەن باتىس قازاقستان وبلىسىنىڭ تەرەكتى اۋدانىنىڭ لينگۆيستيكالىق مەكتەبىنىڭ 11 سىنىپ وقۋشىسى شۋاقبايەۆ ادىلەت «ۇزدىك اۋىل قاتىسۋشىسى» اتالىمى بويىنشا ماقتاۋ قاعازىنا يە بولدى.

اعىمداعى جىلى مەكتەپتى ءتامامدايتىن وليمپيادا جەڭىمپازدارىنا قازاقستاندىق ج و و- لاردىڭ ارنايى سىيلىقتارى بەرىلدى. وسىلايشا، م. وتەمىس ۇلى اتىنداعى باتىس قازاقستان مەملەكەتتىك ۋنيۆەرسيتەتى اتىراۋدان د. قايىربولاتوۆ پەن باتىس قازاقستان وبلىسىنان ت. وتەپبەرگەنوۆكە ەكى وقۋ گرانتىن تابىس ەتتى. سونىمەن قاتار، قازاق- بريتان تەحنيكالىق ۋنيۆەرسيتەتى الماتىنىڭ ەكى وقۋشىسى ا. يسمايلوۆ پەن د. قۇرمانتايەۆتى ەكى وقۋ گرانتىمەن ماراپاتتادى. ق. ا. ياساۋي اتىنداعى قازاق-تۇرىك حالىقارالىق ۋنيۆەرسيتەتى 24 مەكتەپ وقۋشىلارىنا وقۋ گرانتتارىن تابىستادى.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى