وسكەمەن اكىمشىلىگى تۇرعىنداردىڭ كوزىنشە ءيت اتقانداردى جازالاۋعا ءسوز بەردى
پورتالدىڭ مالىمەتىنشە، قالا باسشىلىعى 31 - ناۋرىزدا ونداعان قاڭعىباس ءيتتى اتىپ، ولاردى قانعا بويالعان كولىكپەن تاسىعان سانيتارلىق قىزمەتتىڭ قىزمەتكەرلەرىنە جازا قولدانۋعا ۋادە بەرگەن.
«ارينە، بۇل ءتارتىپ بۇزۋشىلىق. بارىنەن بۇرىن يتتەردى ادامداردىڭ كوزىنشە ۇستاۋعا بولمايدى. ونى بالالاردىڭ كورۋى دە مۇمكىن عوي! ءيت اۋلايتىنداردىڭ قىزمەتتىك كولىگىنىڭ ونداي كۇيدە قالانىڭ كوشەلەرىندە جۇرۋىنە مۇلدەم بولمايدى. ءبىز وسىعان جول بەرگەندەردىڭ كىم ەكەنىن انىقتاپ، جازا قولدانامىز»، - دەدى وسكەمەن اكىمىنىڭ ورىنباسارى ۆلاديمير گولوۆاتيۋك.
ايتا كەتەيىك، 31 - ناۋرىزدا وسكەمەننىڭ تۇرعىندارى ولگەن يتتەردى تيەپ العان كولىكتى سۋرەتكە تۇسىرگەن. باسى-قاسىندا بولعاندار ءيت اتقىشتاردىڭ قاڭعىباس جانۋارلاردى ادامداردىڭ كوزىنشە ولتىرگەندەرىن ايتقان.
ولار ولگەن يتتەردى تيەپ، قانىن اعىزعان كۇيى كەتىپ قالىپتى. بۇل وقيعا وسكەمەندىكتەردەن بولەك جانۋارلاردى قورعاۋشىلاردىڭ اراسىندا قىزۋ تالقىعا ءتۇستى.
