بۇكىل الەمگە تانىمال يتاليالىق انشىلەر الماتى مەن استانادا قازاق تىلىندە ءان شىرقايدى
بۇل تۋرالى Tengrinews.kz تىلشىسىنە كونسەرتتىڭ ۇيىمداستىرۋشىسى مارلەن قاراباس ايتىپ بەردى.
"سان- رەمو قالاسىندا وتكىزىلگەن يتاليا اندەرىنىڭ فەستيۆالى ⅩⅩ عاسىردىڭ سەكسەنىنشى جىلدارىندا ميلليونداعان كەڭەستىك كورەرمەننىڭ جۇرەگىن جاۋلاپ الىپ، اسا تانىمال ءارى سۇيىكتى بولدى.
فەستيۆالدىڭ قاتىسۋشىلارى مەن جەڭىمپازدارى تەك ءوز وتاندارى يتاليا مەن ەۋروپادا عانا ەمەس بۇكىل الەمگە بىردەن تانىلا باستادى. قازاقستاندىقتاردىڭ بۇرىننان بەرى سۇيىكتى بولعان اندەرىن تىڭداپ قانا قويماي، كۋميرلارىن ءوز كوزدەرىمەن كورۋىنە مۇمكىندىكتەرى بار. ساحنادا سەكسەنىنشى جىلدارى جاستاردىڭ باس كوتەرمەي بيلەگەن شلياگەرلەرى شىرقالادى"، - دەدى ول.
كونسەرتتى يتاليالىق جاس ءانشى سون پاسكال جۇرگىزەدى. ال بانو مەن Ricchi E Poveri كوپشىلىككە تانىمال اندەرىنەن بولەك جاڭا رەپەرتۋارداعى اندەرىن دە شىرقايدى. "ولاردىڭ بىرنەشە ءاندى ءبىزدىڭ قازاق تىلىمىزدە شىرقايتىنى قوناقتار ءۇشىن توسىي سىي بولادى"، - دەدى قاراباس.
"مەن اتا- انالار مەن ولاردىڭ بالالارى، سونداي- اق اتا مەن اجە ءۇشىن ەڭ جاقسى شوۋدا ال بانو جانە Ricchi E Poveri توبىمەن بىرگە ونەر كورسەتەمىن"، - جازدى سون پاسكال الدا بولاتىن كونسەرت جايلى Instagram جەلىسىندە.
ءۇش ساعاتتىق كونسەرت 3 - ساۋىردە الماتىداعى رەسپۋبليكا سارايىندا جانە 5 - ساۋىردە استاناداعى "قازاقستان" ورتالىق كونسەرت زالىندا وتەدى. باستالۋى 19.00 دە.
