ۆەتنام جۇرتىنىڭ تاڭدايىن قاقتىرعان قازاق قىزى
بۇل تۋرالى ق ر ۆولەيبول فەدەراتسياسىنىڭ باسپا ءسوز قىزمەتىنەن ءمالىم ەتتى، دەپ حابارلايدى Bnews.kz.
استانالىق ۆولەيبولشىلار بۇل تۋرنيردە كوماندالىق ەسەپتە ءۇشىنشى ورىندى يەلەندى. توپتىق كەزەڭدە قازاقستان سپورتشىلارى اۋەلى قىتاي قىزدارىن ۇتتى، ەكىنشى ويىندا تايلاندتىق ۆولەيبولشىلارعا جول بەردى. جارتىلاي فينالدىق كەزدەسۋدە قازاقستاندىقتار ك ح د ر كلۋبىنان جەڭىلدى، ال ءۇشىنشى ورىن ءۇشىن وتكەن ماتچتا تۋرنير قوجايىندارىنان 3:1 ەسەبىمەن باسىم ءتۇستى.
بىرىنشىلىكتىڭ قورىتىندىسى بويىنشا «استانا» كلۋبىنىڭ ويىنشىسى زارينا سەيىتقازينوۆا تۋرنيردەگى ەڭ سۇلۋ قىز اتانىپ، «ۆەتنام تەلەارناسى كۋبوگىنىڭ ارۋى» اتاعىن جەڭىپ الدى، ال ولگا كارپوۆا تۋرنيردەگى ەڭ ۇزدىك بلوك شەبەرى اتاندى.
