كارىم ءماسىموۆ پەن ۆيكتور وربان قازاقستان-ماجارستان ستراتەگيالىق كەڭەسىن قۇرۋعا كەلىستى
اتاپ ايتقاندا، بۇگىن ۇكىمەت ۇيىندەگى كەلىسسوزدەردەن كەيىن ق ر پرەمەر-ءمينيسترى كارىم ءماسىموۆ پەن ماجارستان پرەمەر-ءمينيسترى ۆيكتور وربان قازاقستان-ماجارستان ستراتەگيالىق كەڭەسىن قۇرۋ تۋرالى ءوزارا تۇسىنىستىك جونىندەگى مەموراندۋمعا قول قويدى.
بۇدان بولەك، ق ر باس پروكۋراتۋراسى مەن ماجارستان ادىلەت مينيسترلىگى اراسىندا ەكى ەل اراسىندا قىلمىستىق ىستەر بويىنشا ءوزارا قۇقىقتىق كومەك تۋرالى شارتتى بەكىتتى.
ال ق ر ءبىلىم جانە عىلىم مينيسترلىگى مەن ماجارستان ۇلتتىق ەكونوميكا مينيسترلىگى اراسىندا كاسىپتىك-تەحنيكالىق ءبىلىم بەرۋ جانە دايارلاۋ سالاسىندا ىنتىماقتاستىق تۋرالى مەموراندۋمعا قول قويدى.
ق ر اۋىل شارۋاشىلىعى مينيسترلىگى مەن اتالعان ەلدىڭ سىرتقى ەكونوميكالىق بايلانىس جانە سىرتقى ىستەر مينيسترلىگى اۋىل شارۋاشىلىعى جوبالارىن قارجىلاندىرۋ جونىندەگى بىرلەسكەن قور قۇرۋ تالاپتارى تۋرالى الدىن الا كەلىسىمدى بەكىتتى.
