ەۋروپادا ناۋرىز مەرەكەسىنىڭ قۇرمەتىنە ۇلكەن كونسەرت بولىپ ءوتتى - فوتو

2015 - جىلدىڭ 24 - ناۋرىزىندا كونسەرت ەۋروپا مادەنيەتىنىڭ استاناسى بولىپ تانىلعان پاريج قالاسىندا، 26 - ناۋرىز كۇنى - گەرمانيانىڭ ەڭ ءىرى قالالارىنىڭ ءبىرى - كەلندە، ال 28 - ناۋرىزدا - ۇلى موسارتتىڭ وتانى ۆەنادا ءوتتى.

مەرەكەنى باستاۋ بەلگىسى يۋنەسكو- نىڭ پاريجدەگى عيماراتىندا بەرىلدى. ۇيىمنىڭ 70 جىلدىعىنا دا ارنالعان شارا يۋنەسكو جانىنداعى ءبىرقاتار ەلدەر - رەسەي فەدەراتسياسى، ازەربايجان، قازاقستان، تۇركىمەنستان جانە قىرعىزستاننىڭ تۇراقتى وكىلدىكتەرىنىڭ كومەگىمەن ءوتتى.

ەستەرىڭىزگە سالا كەتەيىك، ناۋرىز حالىقارالىق كۇنىن بىرلەسىپ وتكىزۋ تۋرالى كەلىسىمگە 2015 - جىلدىڭ قاڭتار ايىندا يۋنەسكو- نىڭ باس ديرەكتورى يرينا بوكوۆانىڭ تۇركىسوي- دىڭ شتاب پاتەرىنە ساپارى كەزىندە قول جەتكىزىلدى.

ودان كەيىن ناۋرىزدىڭ ەۋروپادا اتاپ ءوتىلۋى كەلن قالاسىندا جالعاستى، مۇنداعى شارانى تۇركىسوي تۇركيانىڭ يۋنۋس ەمرە اتىنداعى زەرتتەۋ ورتالىعىمەن (يۋنۋس ەمرە ينستيتۋتى) بىرلەسىپ ۇيىمداستىرىلدى. پاريجدەن كەلنگە 12 ساعاتتىق ۇشۋدان كەيىن شارشاعاندارىنا قاراماستان، 14 ەلدەن جينالعان 80 ءارتىس نەمىس جۇرتشىلىعىنا تاماشا كونسەرت كورسەتتى.

 ناۋرىزدى ەۋروپادا مەرەكەلەۋدىڭ سوڭعى كونسەرتى اۆستريا استاناسى ۆەنا قالاسىنداعى حوفبۋرگ يمپەراتورلىق سارايىندا ءوتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى