روزا رىمبايەۆانىڭ ومىرىنە قاتىستى ەشكىم كورمەگەن سۋرەتتەر مەن بەينەكادرلار كورسەتىلەدى
بۇل تۋرالى «قازاقستان» رەسپۋبليكالىق تەلە راديو كورپوراتسياسىنىڭ باسپا ءسوز قىزمەتىنەن حابارلادى.
باعدارلامانىڭ كەزەكتى قوناعى - قازاقستاننىڭ «التىن داۋىسى»، قازاقستاندىق ەسترادانىڭ «پريمادونناسى»، قازاقستاننىڭ حالىق ءارتىسى، قىرعىزستان مەن وزبەكستاننىڭ ەڭبەك سىڭىرگەن ءارتىسى - روزا رىمبايەۆا.
ەستراداداعى العاشقى جولى، «اراي» انسامبلىندە وتكىزگەن جىلدارى، العاشقى شەتەلدىك كونكۋرستارى مەن كونسەرتتەرى تۋرالى حالىقارالىق كونكۋرستاردا ك س ر و- نى تانىتقان العاش قازاقستاندىق ءانشى روزا قۋانىش قىزىنىڭ ءوز اۋزىنان ەستيمىز. بولگاريادا ءساتتى ونەر كورسەتىپ، سونداي- اق «جىل ءانى» فەستيۆالىنىڭ فينالىنا شىقاننان كەيىن روزارىمبايەۆا ك س ر و- نىڭ «زۆۋكوۆايا دوروجكا» حيت- شەرۋىندە انشىلەردىڭ ۇزدىك وندىعىنا ەنىپ، 3- ورىندى يەلەندى. وسىدان كەيىن ول اللا پۋگاچيەۆا مەن سوفيا روتارۋدان كەيىنگى ك س ر و- نىڭ «ءۇشىنشى داۋىسى» دەگەن اتاققا يە بولدى.
وسى سەنبى كۇنى «قازاقستان» تەلەارناسىنىڭ كورەرمەندەرى روزا رىمبايەۆانىڭ ومىرىمەن جەتە تانىسادى. بۇل 40 جىلدىق تاريحى بار شىعارماشىلىق ەستەلىكتەردەن قۇرالعان كەش بولماق. قازاقستاندىق ەسترادانىڭ جارىق جۇلدىزى، سونداي- اق، سۇيىكتى دە قامقور انانىڭ ومىرىنەن الىنعان ءالى كۇنگە دەيىن ەشكىم كورمەگەن سيرەك سۋرەتتەر مەن بەينەكادرلار، جۇرت بىلە بىلمەيتىن ەستەلىكتەر، تابىس اكەلگەن العاشقى ساحنالىق كويلەك وسى كەشتە قالىڭ كوپشىلىككە كورسەتىلەدى. ستۋدياعا كۇتپەگەن قوناقتار، ونىڭ ىشىندە قاراپايىم الماتىلىق تاكسي جۇرگىزۋشىسى دە كەلەدى.
العاشقى ماحاببات مەن العاشقى ءتۇڭىلۋ، ساحناعا العاش شىعۋ جانە ونەردەگى العاش ساتسىزدىكتەر، ميلليونداعان تابىنۋشىلار مەن جۇلدىزدى ءسات، تانىمالدىق، قايعى، ورنى تولماس قازالار. بۇگىنگى كۇنى نەمەن اينالىسادى، بولاشاقتا شىعاتىن ءانى قانداي، نەنى ارماندايدى.
«قازاق كونسەرت» رەسپۋبليكالىق كونسەرت بىرلەستىگىنىڭ ءانشىسى جانە ت. جۇرگەنوۆ اتىنداعى قازاق ونەر اكادەمياسىنىڭ پروفەسسورى، ۇستاز وسى سۇراقتاردىڭ جاۋابىن 4 - ءساۋىر كۇنى 21.00 دە «قازاقستان» تەلەارناسىنان بەرەتىن بولادى.
