قانداستارىمىزدىڭ قارسىلاستارى بەلگىلى بولدى

 ايتۋلى جارىستىڭ باستى جەكپە- جەگى قازاقتىڭ قايسار ۇلى، «الەم فايتەرس» كلۋبىنىڭ مۇشەسى بەيبىت نازاروۆ پەن برازيليالىق برۋنو روبينو اراسىندا وتەتىنى بەلگىلى. تاعى ءبىر ەستەرىڭىزگە سالا كەتەيىك، وسى باسەكەدە جەڭىسكە جەتكەن سپورتشى «Kunlun Fight» نۇسقاسى بويىنشا الەم چەمپيونى اتانادى. ال كۇنى كەشە وزگە باسەكەلەردە كىمدەردىڭ ايقاساتىنى بەلگىلى بولدى. 57 كەلى سالماقتا قازىبەك ءاشىموۆ پەن وڭتۇستىك كورەيانىڭ وعلانى دجەون ۆونسوك اراسىندا سۋپەر جەكپە- جەك ۇيىمداستىرىلادى. ال 66 كەلى سالماقتاعى اسقار ۇمبەتوۆ امەريكالىق كايل روزيەۆسكيمەن كۇش سىناسادى. ودان بولەك، تاعى بىرنەشە قانداسىمىز ايقاس الاڭىنا شىعىپ، شەت مەملەكەتتەردەن كەلگەن جىگىتتەرمەن شەبەرلىك بايقاسادى.

وسى جارىستى تاماشالاۋ ءۇشىن كوپتەگەن سپورت ساڭلاقتارى بالۋان شولاق اتىنداعى سپورت سارايىنا ات باسىن بۇرادى دەپ كۇتىلۋدە. سونداي- اق «مۇزارت» پەن «جىگىتتەر» توبى جانە باسقا دا ونەر جۇلدىزدارى ءان ايتىپ، كورەرمەندەر كوڭىلىن كوتەرەتىن بولادى.

 دايىنداعان عالىم سۇلەيمەن

«ايقىن» 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى