جەر شارىنداعى ەڭ قارت ايەل قايتىس بولدى

ميساو وكاۆا 1898-جىلدىڭ 5- ناۋرىزىندا وساكا قالاسىنا جاقىن ورنالاسقان كەنتتە، ءداستۇرلى جاپوندىق كيمونو دۇكەنى يەسىنىڭ وتباسىندا تۋىلدى، دەپ حابارلايدى ت ا س س. ول دۇنيەگە ءۇش بالا اكەلگەن، سونىڭ ەكەۋى وتباسىلىق ۇزاق جاساۋ ءداستۇرىن جالعاستىرىپ وتىر: ولاردىڭ جاسى 90 نان اسادى. قارتايعان شاعىندا قۇلاعى ناشار ەستي باستاعانىمەن، ايەلدىڭ جالپى دەنساۋلىعى جاقسى بولدى. ونىڭ ايتۋىنشا، ۇزاق جاساۋىنىڭ ەڭ باستى قۇپيالارىنىڭ ءبىرى - جاقسى ۇيىقتاۋ. سوڭعى ۋاقىتتا ايەل كۇنىنە 15 ساعاتتان ۇيىقتاعان.

ميساو وكاۆا ەشقانداي ارنايى ەمدام ۇستانباي، قالاعان تاماقتى جەي بەرگەن. ونىڭ سۇيىكتى تاعامدارىنىڭ ءبىرى - كەسپە مەن بۇقتىرىلعان سيىر ەتى.

ميساو وكاۆا جەر شارىنىڭ ەڭ قارت ايەلى اتاعىن 2013-جىلى 117 جاستا بولعان جاپوندىق دزيروەمون كيمۋرا قايتىس بولعان سوڭ الدى. وكاۆانىڭ دارەجەسى گيننەستىڭ رەكوردتار كىتابىندا تىركەلگەن.

قازىرگى كەزدە جەر شارىنداعى ەڭ قارت ەر ادام - جاپونيادا تۇراتىن ساكاري موموي: 5 اقپاندا ول 112 جاسقا كەلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى