استانا تۇرعىنى بىرەگەي قۇرىلعى ارقىلى قازاقتارعا مىقتى فۋتبولشى تاۋىپ بەرمەك
قازاقستاندىق فۋتبول قۇراماسىنىڭ «استانا- ارەنا» ستاديونىندا يسلانديا كومانداسىنان 0:3 ەسەبىمەن جەڭىلگەنى جەنەش حاليمۋليندى قاتتى رەنجىتتى. ونىڭ ايتۋىنشا، قازاقستاندىق فۋتبولدى تەك «مەسسيمەتر» قۇتقارا الادى.
«بۇلشىق ەتتەرگە ولاردىڭ رەاكسياسى مەن جىلدامدىعىن ولشەيتىن يمپۋلستىق تەتىكتەر بەكىتىلەدى. بۇل قۇرالدى پايدالانا وتىرىپ، ادامنىڭ الاڭدا قانشالىقتى جىلدام بولاتىنىن انىقتاۋعا بولادى. قاجەتتىلىك تۋىنداعان جاعدايدا بۇل قۇرالدار ارقىلى «ءوزىمىزدىڭ مەسسيىمىزدى» تابۋ ءۇشىن بۇكىل قازاقستان تۇرعىندارىن تەكسەرۋگە بولادى»، - دەيدى ول.
ونەرتاپقىش قازاقستاننىڭ بىرنەشە ايماعىندا تەستىلەۋ وتكىزىپ ۇلگەردى. اقتوبەدە ول رەاكسياسى وتە جىلدام سانتەحنيك بولىپ جۇمىس ىستەيتىن ازاماتتى تاپتى. ول «مانچەستەر يۋنايتەد» كومانداسىنىڭ كاپيتانى ۋەين رۋنيدەن كەم تۇسپەي وتىر. ال اقمولا وبلىسىنىڭ تاستاكەلدى اۋىلىندا جەنەش حاليمۋلين ارگەنتينالىق شابۋىلشى كارلوس تيەۆەستەن ءجۇز ۇپاي الدا بولا الاتىن جىلقىشىنى تاپقان، دەپ جازادى «ەكسپرەسس ك» باسىلىمى.
