بايان ەسەنتايەۆانىڭ كۇيەۋىمەن تۇسكەن ءبىر عانا سۋرەتى بار - فوتو
سۇلۋ دا، سىمباتتى، تانىمال قىز-كەلىنشەكتەردىڭ كۇيەۋلەرى بار ما؟ بار بولسا، نەمەن اينالىسادى؟ جۇبايى جۇلدىز بولعان سوڭ ەر-ازاماتار وزدەرىن كولەڭكەدە قالىپ قويعانداي سەزىنبەي مە؟ مىنە، ءدال وسىنداي سۇراقتار ءبىزدىڭ رەداكسيامىزعا وقىرمانداردان ءجيى تۇسەدى. بۇگىن وقىرمانداردى قىزىقتىرعان «جۇلدىزداردىڭ» جارلارى تۋرالى دەرەكتەردى جيناقتاپ ۇسىنىپ وتىرمىز.
قازاقستانداعى ەڭ سۇلۋ جانە ىسكەر كەلىنشەك، شوۋ-بيزنەس الەمىنىڭ پاتشايىمى اتانعان بايان حانىمنىڭ جارىنان باستاساق. بايان ەسەنتايەۆا ءوزىنىڭ نەكەدە 20 جىل بىرگە تۇرىپ كەلە جاتقانى كۇيەۋى تۋرالى ءجيى ايتا بەرمەيدى. سونداي-اق ولاردىڭ جۇرت الدىندا قول ۇستاسىپ بىرگە ءجۇرۋى دە سيرەك. سوندىقتان ەل اۋزىندا «باياننىڭ باي-قۋاتتى، قالتالى ماگاناتتىڭ ايەلى ەكەن، سوندىقتان ول اقشانى قالاۋىنشا شاشىپ، مۋزىكالىق جوبالارعا پرديۋسەرلىك ەتىپ، كينو دا ءتۇسىرىپ ءجۇر» دەگەن قاۋەسەت تە تارادى.
الايدا بايان ەسەنتايەۆانىڭ ايتۋىنشا، ول كۇيەۋى ەكەۋى تالاي قىسىلتاياڭ كەزەڭدەردەن بىرگە وتكەن، جەتىستىكتەرگە دە بىرگە جەتكەن كورىنەدى. شوۋ-بيزنەستەگى شوق جۇلدىز ءوزىنىڭ سۇقباتتارىندا كۇيەۋىنىڭ سونداي پاراساتتى جان ەكەنىن، ناعىز ازاماتقا تۇرمىسقا شىققانىن جاسىرمايدى. بايان حانىم ءوزىنىڭ ايەل رەتىندە باقىتتى ەكەنىن، ويتكەنى سۇيىكتى ەكەنىن ماقتانىشپەن ايتادى.
بۇل جۇپ ايساۋلە، ايارۋ اتتى ەكى قىز تاربيەلەپ وتىر. باياننىڭ ءومىرى، ءاربىر ءىس-ارەكەتى ميلليونداعان كورەرمەنگە اينەكتىڭ ار جاعىندا تۇرعانداي ايقىن. ونىڭ ءبىر عانا قۇپياسى - جان جارى. ول ءوزىنىڭ كۇيەۋى تۋرالى اقپاراتتاردىڭ جاريالى بولعانىن قالامايدى. باياننىڭ جارى دا جۇبايىنىڭ تانىمالدىعى ەكەۋىنە جەتەدى دەيتىن بولسا كەرەك، ءوزىن جارنامالاۋعا تىرىسپايتىن كورىنەدى. عالامتوردا بايان حانىمنىڭ كۇيەۋىمەن تۇسكەن ءبىر عانا سۋرەتى بار. ەستۋىمىزشە، ايساۋلە مەن ايارۋدىڭ اكەسى قىزدارىن ەرەكشە ەركەلەتەدى ەكەن.
جانار ايجانوۆا
داۋسى ەرەكشە، ءتىلى شەشەن، ءوزى كوركەم جانار ايجانوۆانىڭ دا ومىرلىك سەرىگى تۋرالى بىلگىسى كەلەتىن جۇرت كوپ. جاناردىڭ ونەرىن سۇيەتىن، ءوزىن قۇرمەتتەيتىن كورەرمەن ءانشىنىڭ ايجۇلدىز اتتى قىزى بار ەكەنىن بىلەدى. ونىڭ سالعان اسەم ءانىن الەم ءسۇيىپ تىڭدايتىن جانار حانىم قىزىن جالعىز تاربيەلەپ وتىرعانىن بىلەتىنبىز. جاقىندا ول ءوزىنىڭ ايجۇلدىز اتتى ارۋ قىزىنىڭ كامەلەت جاسىنا ارناپ توي جاساپ، وزىنە جار، قىزىنا اكە بوپ وتىرعان ەربولات اتتى ازاماتتى كوپشىلىككە تانىستىردى.
مايرا مۇحامەت قىزى
تورتكۇل الەمگە ءوزىنىڭ ونەرىمەن تانىلعان بىرەگەي ءانشى مايرا مۇحامەت قىزى دا وتباسىلىق ومىردە باعى جانعان نازىكجاندىنىڭ ءبىرى. مايرا حانىمنىڭ كۇيەۋى احسان مىرزا بەلگىلى سپورتشى. مايرا حانىم ءوزىنىڭ جان جارىن ستۋدەنت كەزىندە كەزىكتىرىپتى. سول كەزدە احسان مىرزا بەيجىڭنىڭ اتاقتى سپورتشىسى بولعان. «مەن جولداسىمدى كەزدەستىرگەن كەزدە ول مىقتى كىسى، مىقتى سپورتسمەن بولدى. رۋحى دا، ءوزى دە كۇشتى بولاتىن. ال مەنىڭ مىنەزىم جۇمساق بولدى. مىقتى ادامداردى ۇناتاتىنمىن. ال كەيىن ءوزىم ءوسىپ، جەتىلگەننەن كەيىن ەندى ونىڭ كەيبىر كەمشىلىگىن كورگەندە، ءوزىمدى كەشىرىمدى بولۋعا ۇيرەتتىم. ماحاببات دەگەن، ەڭ الدىمەن، ۇلكەن تۇسىنىستىك» دەيدى ءانشى.
گۇلميرا اقۇرپەكوۆا
العاش ساحناعا گيتاراسىن قۇشاقتاپ شىعىپ، اسەم داۋسىمەن ميلليونداعان تىڭدارمانىنىڭ جۇرەگىن باۋراعان بەلگىلى ءانشى گۇلميرا اقۇرپەكوۆا جاس كەزىندە تالاي جىگىتتىڭ ارمانى، ءبىر جىگىتتىڭ جان جارىنا اينالعان. ءانشىنىڭ ايتۋىنشا، ول ءوزىنىڭ ستۋدەنتتىك كەزىن ەشكىممەن جۇرمەي وتكىزگەن. اسپيرانتۋراعا تۇسكەندە دە وزىنە لايىق جىگىت تاپپاپتى. «الىستان ىزدەگەن باقىتىم قاسىمدا جۇرگەن ەكەن. ول كىسىنى بايقاماعان سەبەبىم، جاقىن قۇربىمنىڭ اعاسىنىڭ دوسى ەدى. ونى دا اعا سياقتى كورىپ ءجۇردىم. ءبىراق فارحات بۇرىننان سىرتىمنان قاراپ جۇرەدى ەكەن. ال مەن وسى كىسى العاشقى ماحابباتىم، كەيىننەن كۇيەۋىم بولادى دەگەن وي ءۇش ۇيىقتاسام تۇسىمە كىرمەپتى»، دەيدى ءانشى. وكىنىشكە وراي، گۇلميرا اقۇرپەكوۆا مەن جارى فارحاتتىڭ ءومىر جولدارى ەكىگە ايرىلعان ەكەن. گۇلميرا حانىم جالعىز قىزىن ءوزى جەتەلەپ ءوسىردى.
تولقىن زابيروۆا
بەلگىلى ءانشى، سۇلۋ ايەل، ارداقتى انا تولقىن زابيروۆانىڭ ومىرلىك سەرگى - سافار يادۋلايەۆيچ اتتى ازامات. سافار بابايەۆتىڭ ەسىمى شوۋ-بيزنەستە كەڭىنەن تانىمال. ول كوپتەگەن مۋزىكالىق جوبالاردىڭ جەتەكشىسى ءارى پروديۋسەرى. ول «International»، «FreШ.kz» سەكىلدى توپتارعا پروديۋسەرلىك ەتكەن. ەلىمىزدىڭ كوپتەگەن اتاقتى انشىلەرىمەن بىرگە جۇمىس ىستەيدى. تولقىن ءوزىنىڭ جارىمەن شوۋ-بيزنەس اۋىلىندا ءجۇرىپ تانىسىپ، وتباسىن قۇردى. بۇل سافار مىرزانىڭ ەكىنشى نەكەسى. بۇگىندە ولار شاحريار، ديار، سانجار ەسىمدى ۇلدارىن تاربيەلەپ وتىر.
«الاش ايناسى»
