كۋدرين پۋتين ءتورتىنشى مەرزىمگە سايلانۋىنا نيەت تانىتۋى مۇمكىن ەكەنىن ايتتى

 بۇل تۋرالى ول  پۋتيننىڭ مەملەكەت باسقارعانىنا 15 جىل تولۋىنا ارنالعان دوڭگەلەك ۇستەلدىڭ سوڭىندا جۋرناليستەرگە سۇحبات بەرگەن كەزىندە ءمالىم ەتتى.

«ۆلاديمير ۆلاديميروۆيچ پۋتيندە تاعى ءبىر رەت سايلانۋعا كونستيتۋتسيالىق قۇقىعى بار، - دەپ ەسكە سالدى كۋدرين. - مەنىڭ ويىمشا، ول بۇل قۇقىعىن پايدالانادى».

 وسىعان دەيىن پۋتين كەلەسى پرەزيدەنتتىك سايلاۋ تۋرالى ماسەلەنى وتكەن جىلدىڭ جەلتوقسان ايىندا بولعان ۇلكەن باسپا ءسوز ءماسليحاتىندا قوزعاعان بولاتىن. «2018 - جىلعى پرەزيدەنتتىك سايلاۋ تۋرالى شەشىم قابىلداۋعا ءالى ەرتە. مەملەكەت يگىلىگى ءۇشىن جۇمىس جاساۋ كەرەك. جۇمىس قورىتىندىسى بويىنشا، كىم سايلاۋعا باراتىنى تۋرالى شەشىم قابىلداۋ قاجەت. ر ف ازاماتتارىنىڭ مۇددەلەرى ءۇشىن ەڭبەكتەنۋ كەرەك»، - دەگەن ەكەن سول كەزدە پۋتين.

2014 - جىلدىڭ قاراشاسىنىڭ سوڭىندا ت ا س س اگەنتتىگىنە بەرگەن سۇحباتىندا پۋتين 2018 - جىلعى سايلاۋعا قاتىسۋ مۇمكىندىگىن جوققا شىعارمادى.

 ول، كونستيتۋتسيا مۇنداي مۇمكىندىكتى بەرىپ وتىرعانىن ايتتى. الايدا بۇل قۇقىقتى پايدالانا ما، جوق پا ەكەنىن ءالى بىلمەيتىنىن جەتكىزدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى