الماتى مەن فرانسيا اراسىندا ءبىلىم سالاسىنداعى بايلانىس اياسى كەڭي تۇسۋدە

جوبانىڭ تۇساۋكەسەرىن رەسەيدەگى فرانسۋز ۋنيۆەرسيتەتتەرى كوللەدجدەرىنىڭ باسشىسى مارەك حالتەر جاسادى.

ۋنيۆەرسيتتىك جوبا اياسىندا ءال- فارابي اتىنداعى قازاق ۇلتتىق ۋنيۆەرسيتەتى بازاسىندا فرانسۋزدىق «ماركەتينگ» فاكۋلتەتىن جانە قازاق ۇلتتىق اگرارلىق ۋنيۆەرسيتەتى بازاسىندا فرانسۋزدىق «اگرونوميا» فاكۋلتەتىن اشۋ، سونىمەن قاتار مەديسينا سالاسى بويىنشا تانىمال فرانسۋز پروفەسسورلارى مەن زەرتتەۋشىلەرىنىڭ دارىستەرىن ۇيىمداستىرۋ قاراستىرىلعان.

قالا باسشىسى ءبىلىم سالاسىندا بىرىگىپ جۇمىس جاساۋدىڭ اسا ماڭىزدى ەكەندىگىن ايتا كەلە، مىسال رەتىندە الماتىدا 2014 - جىلدىڭ جەلتوقسان ايىندا ق ر پرەزيدەنتى نۇرسۇلتان نازاربايەۆ پەن فرانسيا پرەزيدەنتى فرانسۋا وللاندتىڭ قاتىسۋىمەن سوربوننا ينستيتۋتى فيليالىنىڭ اشىلعانىن جەتكىزدى. اباي اتىنداعى قاز ۇ پ ۋ- ءنىڭ بازاسىندا اشىلعان بۇل ينستيتۋت «پاريج قالاسىنىڭ سوربونناسى» اتتى جوعارى ءبىلىم جونىندەگى عىلىمي ورتالىقتىڭ الەمدەگى ەكىنشى، ال ورتالىق ازياداعى العاشقى فيليالى بولىپ سانالادى. ءبىلىم بەرۋ ۇدەرىسى بولون كونۆەتسياسىنىڭ تالاپتارىنا تۇگەلدەي دەرلىك جاۋاپ بەرەدى. ساباقتى قازاقستاندىق جانە فرانسۋزدىق پروفەسسورلار جۇرگىزەدى.

«الماتى تەك قارجى عانا ەمەس، سونىمەن قاتار ءبىلىم جانە عىلىم ورتالىعى. الماتىدا «سوربوننا» ينستيتۋتى فيليالىنىڭ اشىلۋى ءبىزدىڭ قالامىز، جالپى ەلىمىز ءۇشىن ايتارلىقتاي ماڭىزدى وقيعا بولدى. ءبىز بىرىگىپ اتقارىلاتىن بۇل جۇمىستى ودان ءارى جالعاستىراتىن بولامىز، ونىڭ جارقىن مىسالى فرانسۋز- قازاق ۋنيۆەرسيتەتى جوباسىنىڭ تۇجىرىمداماسى»، - دەدى احمەتجان ەسىموۆ.

ايتا كەتەلىك، الماتىدا بۇگىنگى تاڭدا 40 جوعارى وقۋ ورنى ورنالاسقان. ولاردىڭ تورتتەن ءبىرى ۇلتتىق دارەجەدەگى جوعارى وقۋ ورىندارى. ەلىمىزدىڭ ءاربىر ءۇشىنشى ج و و مەن ءاربىر ءۇشىنشى ستۋدەنتى الماتىدا. 2015 - جىلدىڭ باسىنا قاراي رەسمي مالىمەت بويىنشا قالامىزدا 178 مىڭ ستۋدەنت ءبىلىم الۋدا.

 اۆتور:   جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى