توپىراق قۇنارىن كەتىرگەن فەرمەرلەردەن جەر تارتىپ الىنادى
«جەر قۇنارىن تەكسەرۋ ءار 5-7 جىل سايىن جۇرگىزىلەدى. ونىڭ ۋاقىتى كەلگەندە ولار تەكسەرىلەدى. سوندىقتان وسى جىلى كەيبىر ايماقتاردا زەرتتەۋ جۇرگىزىلەدى, ونىڭ ناتيجەسى بويىنشا جەر تەلىمدەرىن الۋ جونىندە شەشىم جاسايمىز»، - دەدى ول.
ونىڭ ايتۋىنشا، ءالى جەر تەلىمدەرىن الۋ وقيعالارى بولعان ەمەس، دەگەنمەن ورىن الۋى بەك مۇمكىن. سەبەبى، زەرتتەپ قاراۋ ناتيجەلەرى بويىنشا سوڭعى 25 جىلدا گۋمۋس قۇرامى جوعارى ەگىستىك جەرلەر توپىراعىنىڭ اۋدانى 16,6 ميلليون گەكتاردان 255,5 مىڭ گەكتارعا دەيىن تومەندەگەن.
«جەر تەلىمدەرىن الۋ پروتسەسى سوت شەشىمىنىڭ نەگىزىندە جۇرەدى»، - دەپ اتاپ ءوتتى مەكەمە ديرەكتورى.
تىڭايتقىشتاردى جەتكىلىكسىز قولدانۋ، كوپجىلدىق توپىراقتاردى سەبۋ القاپتارىنىڭ كەمۋى، ەگىستىك اينالىمىنىڭ ساقتالماۋى جانە بيداي داقىلىنىڭ باسىم بولۋى توپىراق قۇنارلىعى مەن اۋىل شارۋاشىلىعى داقىلدارى ونىمدىلىگىنىڭ تومەندەۋىنە اكەلدى.
«ەگەر قاتاڭ شارالار قولدانباساق، ەرتەڭ ازىق- تۇلىكسىز قالامىز»، - دەيدى ول.
وسى ورايدا، جەر رەسۋرستارىن ۇتىمدى باسقارۋ ءۇشىن 2014 - جىلى ق ر جەر كودەكسىنە پايدالانىلمايتىن جانە يگەرىلمەگەن جەرلەردى نەمەسە زاڭنامانى بۇزا وتىرىپ پايدالانىلاتىن جەرلەردى ماجبۇرلەپ الۋ جونىندەگى نورمالاردى قاتاڭداتاتىن وزگەرىستەر ەنگىزىلدى.
بۇدان باسقا، اۋىل شارۋاشىلىعى مينيسترلىگى جاڭا اۋىل شارۋاشىلىعى ماقساتىنداعى جەرلەردى ۇتىمدى پايدالانۋ قاعيدالارىن ازىرلەۋدە، ولار ەگىستىك اينالىمىن ساقتاۋ، جايىلىمدارعا وڭتايلى جۇكتەمەنى قامتاماسىز ەتۋ، توپىراقتىڭ اگرو حيميالىق قۇرامىن كۇتىپ ۇستاۋ، فيتوسانيتاريالىق ءىس- شارالاردى ورىنداۋ، وندىرىستىك كورسەتكىشتەردىڭ ساقتالۋى جونىندەگى تالاپتاردى قامتيتىن بولادى.
بيىلعى جىلى ق ر ا ش م اگروحيميا قىزمەتى رەسپۋبليكالىق عىلىمي- ادىستەمەلىك ورتالىعى توپىراقتاردى زەرتتەپ قاراۋدى 3,2 ميلليون گەكتاردا وتكىزەدى، سونىڭ ىشىندە تابيعي ەگىنشىلىك ايماعىنا جاتاتىن 2,9 ميلليون گەكتار القاپ جانە 298 مىڭ گەكتار سۋارمالى جەرلەر قامتىلدى. اقتوبە وبلىسىندا 105 گەكتاردان استام، قوستاناي وبلىسىندا 777,5 گەكتار ەگىستىك القاپتارى زەرتتەلىپ قارالاتىن بولادى.
اۆتور: جاسۇلان جولدىبايەۆ
