بەردىبەك ساپاربايەۆ بالالار مەن جاستار ءۇشىن سپورتتىق نىسانداردىڭ باعاسىن قايتا قاراستىرۋدى تاپسىردى
بۇل تاپسىرمانى بۇگىن ەلوردا اكىمدىگىندە تۇرعىنداردىڭ الەۋمەتتىك الەۋەتى ماسەلەسىنە ارنالعان كەڭەستە ق ر پرەمەر- ءمينيسترىنىڭ ورىنباسارى بەردىبەك ساپاربايەۆ جۇكتەدى.
«سوڭعى جىلدارى پرەزيدەنتتىڭ تاپسىرماسى بويىنشا ءبىرقاتار الەۋمەتتىك نىساندار سالىندى. ولاردىڭ اراسىندا ۇلتتىق مۋزەي، كىتاپحانا، ۆەلوترەك، ستاديوندار جانە باسقا دا ماڭىزدى نىساندار پايدالانۋعا بەرىلدى. ەندى نەگىزگى ماقسات - مينيسترلىكتەرمەن بىرلەسە سپورتتىق جانە مادەني نىسانداردىڭ قىزمەتتەرىمەن بارشا حالىقتى كەڭىنەن قامتىپ، قولجەتىمدىلىكتى قامتاماسىز ەتۋ. اسىرەسە، بۇل تۇرعىدا بالالار مەن جاستارعا قولجەتىمدى بولۋى ءتيىس»، - دەدى پرەمەر- ءمينيستردىڭ ورىنباسارى.
وسى ورايدا ب. ساپاربايەۆ وسى نىساندارعا بارۋدىڭ ءتيىمدى كەستەسىن ازىرلەۋدى جانە اتالعان ساناتتاعىلار ءۇشىن تاريفتەردى قايتا قاراستىرۋدى تاپسىردى.
اۆتور: رۋسلان عابباسوۆ
