الماتىدا ەكى تاۋلىك ىشىندە ەكى ايلىق نورمانى قۇرايتىن قار جاۋدى

بۇل تۋرالى بۇگىن الماتى قالالىق تابيعات رەسۋرستارى جانە تابيعاتتى پايدالانۋدى رەتتەۋ باسقارماسىنىڭ باسپا ءسوز قىزمەتىنەن حابارلادى.

كوشەلەر مەن تروتۋارلاردى قاردان تازارتۋ جۇمىستارى تاۋلىك بويى جۇرگىزىلدى. وعان 465 تەحنيكا مەن 1120 جۇمىسشى جۇمىلدىرىلدى. ودان باسقا، 30 - ناۋرىزدان 31 - ناۋرىزعا قاراعان ءتۇنى قاردى قالا سىرتىنا شىعارۋعا قوسىمشا 44 اۋىر جۇك كوتەرۋگە ارنالعان كولىكتەر تارتىلدى.

 جالپى، ەكى تاۋلىك ىشىندە 5086 توننا حلور ارالاس قۇم مەن 36 توننا تۇز قولدانىلدى. قالا سىرتىنا بارلىعى  10840 توننا قار ءۇيىندىسى شىعارىلدى.

 قازىرگى ساتتە كوشەلەر مەن تروتۋارلاردى قاردان تازارتاۋ جانە ۇيىلگەن قاردى قالا سىرتىنا شىعارۋ جۇمىستارى جالعاسۋدا.

بۇگىن قالادا اۋا رايى اشىق. «قازگيدرومەت» مەكەمەسىنىڭ بولجامى بويىنشا ەندى الداعى تاۋلىكتەردە قار جاۋۋى كۇتىلمەيدى.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى