ەرمەك تۇرسىنوۆ «كەلىن» مەن «شالدىڭ» سوڭعى ءبولىمى «كەنجە» فيلمىن پروكاتقا شىعارادى

«كەنجە» - رەجيسسەردىڭ قۇرامىنا «كەلىن» ، «شال» فيلمدەرى كىرەتىن تريلوگياسىنىڭ سوڭعى ءبولىمى. تۋىندى تايلاندتا جانە يسپانيانىڭ مالوركا ارالىندا ءتۇسىرىلدى. وعان ۆەنگريا، رەسەي، ا ق ش كاسىپقويلارىنان تۇراتىن ءتۇسىرۋ كومانداسى تارتىلعان بولاتىن. تريۋكتەردى جايداربەك كۇنقوجينوۆتىڭ «نوماد» كاسكادەرلەرى جاسادى. باستى رولدەردى جاندوس ايباسوۆ پەن اينۇر نيازوۆا وينادى.

كارتينادان ولگا زايتسيەۆا، ميحايل حمۋروۆ، ەدۋارد وڭدار سياقتى رەسەي اكتەرلەرىن دە كورۋگە بولادى. «اكتەرلەردى تاڭداۋ ەكى جىل بۇرىن باستالعان بولاتىن. رولگە سايكەس كەلەتىن شىن شەبەرلەردى تابۋ قيىن بولدى. باستى كەيىپكەرگە ءبىز جاندى، كوزىندە بار ءومىرى تۇنىپ تۇرعان ناعىز ەردى تابۋعا تىرىستىق. باستىسى - ەلگە تانىلعان اكتەر بولماۋى كەرەك ەدى. مەن جۇلدىز اكتەرلەرمەن جۇمىس ىستەۋگە قۇمار ەمەسپىن. مەنىڭشە، جاندوس سوعان لايىق بولدى» ، - دەيدى ە. تۇرسىنوۆ.

«بۇل كارتينا تريلوگيانىڭ ءۇشىنشى ءبولىمى. الدىندا «كەلىن» ، «شال» تۇسىرىلگەنى ءمالىم. تريلوگيا 7 -جىل بويى ءتۇسىرىلدى. اتالعان تۋىندى - ءبىر جوبانىڭ سوڭعى شىعارىلىم، ارينە ول الدىنداعى ءۇش فيلمنەن ءتىپتى وزگەشە. بۇل - جانرلىق كينو، ەكشن ەلەمەنتتەرى بار دراما. كورەرمەندەرگە ول قانشالىقتى ۇنايتىندىعىن بىلمەيمىن. مەنىڭشە، ول ەرەكشە بولادى. وعان 16 ەلدىڭ وكىلدەرى ات سالىستى. سەمكا وتە اۋقىمدى بولدى، شەتەلدە يسپانيادا، تايلاندتا ءوتتى. بارلىق توپقا ريزاشىلىعىمدى بىلدىرگىم كەلەدى» ، - دەيدى رەجيسسەر.

«كەنجە» اتا- اناسىنان ەرتە ايىرىلعان اعايىندىلار تۋرالى. بالالار ۇيىنە ورنالاستىرىلاتىندارىن سەزگەن باۋىرلار ەرتەرەك قامدانىپ، قالاعا قاشىپ شىعادى. ءار جۇمىسقا جالدانىپ، ءناپاقا تابۋعا كىرىسكەن اعايىندىلار وسە كەلە كىسى ولتىرۋگە تاپسىرىس قابىلداپ، تابىس تابا باستايدى. ارتىنشا ولار بۇل شايقاستان امان شىعۋ مۇمكىن ەمەس ەكەندىگىن بىلەدى.

 اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى