ۇلى وتان سوعىسىنىڭ باتىرلارى: قارسىباي سىپاتايەۆ

قارسىباي سىپاتايەۆ 1918-جىلى ءساۋىردىڭ 15-ىندە وڭتۇستىك قازاقستان وبلىسى، ورداباسى اۋدانى، كوكتوبە اۋىلىندا ومىرگە كەلىپ، 1942-جىلى قاراشانىڭ 26- كۇنى رەسەيگە قاراستى قالماق رەسپۋبليكاسى، سارپينسك اۋدانى، شارنۋت كەنتىندە ەرلىكپەن قازا تاپتى. 2-دۇنيەجۇزىلىك سوعىسقا قاتىسۋشى، مينومەت نىساناشىسى، قازاق.

كەڭەس اسكەرى قاتارىنا 1942-جىلى الىنىپ، وڭتۇستىك مايدان 4-اتتى اسكەر كورپۋسى 61-اتتى اسكەر ديۆيزياسى 13 ءى جەكە اتتى ارتيللەريا ديۆيزيونى قۇرامىندا ۇلى وتان سوعىسىنا قاتىسقان. ستالينگراد شايقاسىندا سىپاتايەۆ اسقان ەرلىك پەن باتىرلىق كورسەتتى. «كراسنىي گەروي» ۇجىمشارىنىڭ ماڭىندا بولعان ۇرىستا جاۋدىڭ ءبىر ۆزۆودقا جۋىق جاياۋ اسكەرىن جويىپ جىبەردى.

شارنۋموۆسكي ەلدى مەكەنى تۇبىندە سىپاتايەۆتىڭ مينومەت راسچەتى 36 تانكىمەن ايكاسقا ءتۇستى. تەحنيكا جاعىنان باسىم جاۋ قورعانىس شەبىن بۇزۋعا ۇمتىلدى. شايقاس بارىسىندا قاسىنداعى مينومەت راسچەتتەرى ىستەن شىعىپ، سىپاتايەۆ قولىندا قالعان جالعىز ميناسىمەن تانكىنىڭ استىنا قۇلادى. سىپاتايەۆقا جاساعان ەرلىگى ءۇشىن ك س ر و جوعارعى كەڭەسى ءتورالقاسىنىڭ جارلىعىمەن كەڭەس وداعىنىڭ باتىرى اتاعى بەرىلدى (17.4.1943).

تۋعان اۋىلى مەن شىمكەنتتەگى 7№ ورتا مەكتەپكە سىپاتايەۆ ەسىمى بەرىلىپ، ەسكەرتكىش قويىلعان. لەنين وردەنىمەن ماراپاتتالعان.

دەرەككوز: ۆيكيپەديا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى